Сярпейск

Сяло Сярпейск руск.: Серпейск Герб Сцяг Краіна  Расія Вобласць Калужская вобласць Раён Мяшчоўскі раён Каардынаты 54°20′07″ пн. ш. 34°59′20″ у. д.^HGЯO Насельніцтва 1265 чалавек (2012) Часавы пояс UTC+03:00 Паштовыя індэксы 249246 Сярпейск на карце Расіі ±

Медыяфайлы на Вікісховішчы

Сярпейск — сяло ў Расіі, на рацэ Сярпейцы. Уваходзіць у склад Мяшчоўскага раёна Калужскай вобласці. Насельніцтва на 2012 год — 1265 чалавек. Знаходзіцца за 20 км ад Мяшчоўска, за 104 км ад Калугі.

Сярпейск — даўняе места гістарычнай Смаленшчыны.

Гісторыя

Першае пісьмовае ўпамінанне пра Сярпейск датуецца 1406 годам, калі ён уваходзіў у склад Вялікага Княства Літоўскага. У 1494 годзе Сярпейск захапіў маскоўскі гаспадар Іван III, але паводле мірнага дагавора, вярнуў яго вялікаму князю Аляксандру. У 1500 годзе места апынулася ў складзе Маскоўскай дзяржавы.

У 1613 годзе Сярпейск вярнуўся ў склад Вялікага Княства Літоўскага, што пацвердзіла Дэулінскае перамір’е 1618 года. Ён увайшоў у склад Смаленскага павета Смаленскага ваяводства. У 1632 годзе места захапілі маскоўскія войскі.

Паводле Палянаўскага дагавора 1634 года Сярпейск апынуўся ў складзе Маскоўскай дзяржавы. У 1776 годзе горад стаў цэнтрам павета ў Калужскім намесніцтве. У 1777 годзе ўлады даравалі Сярпейску герб. Пазней горад увайшоў у склад Мяшчоўскага павета.

У пачатку XX ст. у Сярпейску былі плошча, 14 вуліц і 2 завулкі, дзейнічалі 3 царквы, працавалі прыходскае вучылішча, паштовая станцыя, палатняная і прадзільная фабрыкі, штогод праводзілася 2 кірмашы.

У 1919 годзе Сярпейск пазбавілі статусу горада.

Насельніцтва

Дэмаграфія

• XIX стагоддзе: 1863 год — 766 чал.; 1889 год — 1818 чал.^[1]
• XX стагоддзе: 1914 год — 1053 чал.
• XXI стагоддзе: 2012 год — 1265 чал.

Інфраструктура

У Сярпейску працуюць дашкольная ўстанова, сярэдняя школа, бальніца, дом культуры.

Турыстычная інфармацыя

Славутасці

• Гістарычная забудова (XIX — пачатак XX ст.; фрагменты)
• Царква Святога Мікалая (1771)
• Царква Святога Спаса (1783)

Страчаная спадчына

• Царква Святых Апосталаў Пятра і Паўла

Зноскі

1. Słownik geograficzny Królestwa Polskiego i innych krajów słowiańskich. Tom X: Rukszenice — Sochaczew (польск.). — Warszawa, 1889. S. 457.

Літаратура

• Słownik geograficzny Królestwa Polskiego i innych krajów słowiańskich. Tom X: Rukszenice — Sochaczew (польск.). — Warszawa, 1889.
• Серпейск // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Спасылкі

• Сайт Сярпейскага сельскага паселішча Архівавана 14 сакавіка 2018. (руск.)