Сімплексная сувязь

Сі́мплексная сувязь^[1] — сувязь, пры якой інфармацыя перадаецца толькі ў адным кірунку.

Ёсць два вызначэнні сімплекснай сувязі.

• Па вызначэнні ANSI схема сімплекснай сувязі дазваляе перадаваць сігналы заўсёды толькі ў адным кірунку. Такая сувязь выкарыстоўваецца ў радыёвяшчанні, бо няма неабходнасці перадаваць якія-небудзь дадзеныя назад на радыёперадаючую станцыю. Іншы прыклад сімплекснай сувязі — аднанакіраваная сувязь паміж пускавой устаноўкай і ракетай з радыёкамандным кіраваннем, калі каманды перадаюцца ракеце, але прыём інфармацыі ад ракеты не прадугледжаны.
• Па вызначэнні ITU-T схема сімплекснай сувязі дазваляе перадаваць сігналы ў кожны момант часу толькі ў адным кірунку. У іншы момант часу сігналы могуць перадавацца ў процілеглым кірунку. Такі від сувязі звычайна называюць паўдуплекснай сувяззю. Прыкладам гэтага віду сувязі могуць служыць сеткавыя карты, злучаныя кааксіяльным кабелем і многія віды тэхналагічнай радыёсувязі.

Зноскі

1. БелЭн 2002.

Літаратура

• Сімплексная сувязь // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 387—388. — 10 000 экз. — ISBN 985-11-0035-8. — ISBN 985-11-0238-5 (т. 14).