Сіпрыяна Мера

У Вікіпедыі ёсць артыкулы пра іншых людзей з прозвішчам Мера.
Сіпрыяна Мера
Дата нараджэння 4 лістапада 1897(1897-11-04)[1]
Месца нараджэння
Дата смерці 24 кастрычніка 1975(1975-10-24)[2] (77 гадоў)
Месца смерці
Грамадзянства
Прыналежнасць Усеагульная канфедэрацыя працы (Іспанія)
Званне падпалкоўнік[d]
Камандаваў 14th Division[d]
Бітвы/войны
Лагатып Вікісховішча Медыяфайлы на Вікісховішчы

Сіпрыяна Мера Санс (ісп.: Cipriano Mera Sanz; 4 лістапада 1897, Мадрыд — 24 кастрычніка 1975, Сен-Клу) — іспанскі палітычны і ваенны дзеяч часоў Другой Іспанскай Рэспублікі і грамадзянскай вайны. Анархіст, член НКП.

Біяграфія

[правіць | правіць зыходнік]

Нарадзіўся ў 1897 годзе ў Мадрыдзе.

Будучы муляром[3], Мера далучыўся да анархісцкага руху, пасля ўступіў у анарха-сіндыкалісцкую Нацыянальную канфедэрацыю працы (НКП). Падчас Іспанскай рэвалюцыі адносіўся да найбольш радыкальных членаў НКП, супрацоўнічаў з Федэрацыяй анархістаў Іберыі. У чэрвені 1936 года Мера ўдзельнічаў у арганізацыі страйку будаўнікоў, электрыкаў, аператараў і ліфцёраў у Сарагосе, за што быў прысуджаны да турэмнага зняволення[4].

У турме Мера прабыў нядоўга. Калі пачалася грамадзянская вайна, ён быў вызвалены і ўступіў у шэрагі рэспубліканцаў. Пад яго кіраўніцтвам урадавыя войскі задушылі паўстанні ў Гвадалахары, Алькала-дэ-Энарэсе і Куэнцы[5]. Камандуючы 14-й рэспубліканскай дывізіяй, анархіст удзельнічаў у абароне Мадрыда, Гвадалахарскай і Брунецкай аперацыях[6]. У красавіку 1938 года, пасля прызначэння на пасаду камандзіра IV корпуса, Мера быў удастоены звання падпалкоўніка[7].

У канцы грамадзянскай вайны ў 1939 годзе, лічачы, што Рэспубліка хутка будзе разгромлена, разам з адным з лідараў правага крыла ІСРП Хуліянам Бестэйрам падтрымаў путч палкоўніка Сехісмунда Касада, які выступаў за перамовы з Франсіска Франка.

Незадоўга да канчатковага паражэння рэспубліканцаў Мера на самалёце эвакуіраваўся ў Аран, потым у Касабланку, але адтуль быў экстрадаваны ў Іспанію ў лютым 1942 года[3]. У 1943 годзе першапачаткова ён быў прысуджаны да смерці, але пазней прысуд замянілі на турэмны тэрмін (30 гадоў).

У 1946 годзе Мера быў вызвалены і праз год эміграваў у Францыю[8]. Тут ён вярнуўся да прафесіі муляра і актыўнага ўдзелу ў анарха-сіндыкалісцкім руху, пасяліўся ў горадзе Сен-Клу, дзе і памёр у 1975 годзе[3].

Зноскі

  1. ↑ Cipriano Mera Sanz // Diccionario biográfico español — Real Academia de la Historia, 2011. Праверана 9 кастрычніка 2017.
  2. ↑ Bibliothèque nationale de France Cipriano Mera // data.bnf.fr: платформа адкрытых даных — 2011.
  3. ↑ а б в Beevor, Antony. The battle for Spain. The Spanish Civil War. 1936—1939. Penguin books. London. 2006. p. 410
  4. ↑ Beevor, Antony. The battle for Spain. The Spanish Civil War. 1936—1939. Penguin books. London. 2006. pag. 48
  5. ↑ Beevor, Antony. The battle for Spain. The Spanish Civil War. 1936—1939. Penguin books. London. 2006. p.77
  6. ↑ Beevor, Antony. The battle for Spain. The Spanish Civil War. 1936—1939. Penguin books. London. 2006. p.283
  7. ↑ Beevor, Antony. The battle for Spain. The Spanish Civil War. 1936—1939. Penguin books. London. 2006. pp.219-220
  8. ↑ Beevor, Antony. The battle for Spain. The Spanish Civil War. 1936—1939. Penguin books. London. 2006. p. 492

Спасылкі

[правіць | правіць зыходнік]