Таджэй Гейл

У Вікіпедыі ёсць артыкулы пра іншых асоб з прозвішчам Гейл.
Лёгкая атлетыка
Таджэй Гейл
Агульная інфармацыя
Пол мужчынскі пол
Спецыялізацыя скачок у даўжыню[d]
Нарадзіўся 2 жніўня 1996(1996-08-02)[1] (28 гадоў)
Грамадзянства
IAAF 14631861
Лагатып Вікісховішча Медыяфайлы на Вікісховішчы

Таджэй Гейл (англ.: Tajay Gayle; нар. 2 жніўня 1996 г., Кінгстан) — ямайскі лёгкаатлет, які спецыялізуецца ў скачках у даўжыню. Чэмпіён свету 2019 года, сярэбраны прызёр Панамерыканскіх гульняў 2019 года, чэмпіён Ямайкі 2019 года.

Біяграфія

[правіць | правіць зыходнік]

Нарадзіўся 2 жніўня 1996 года ў Кінгстане, Ямайка. Там жа скончыў сярэднюю школу Papine High School.

Трэніруецца пад кіраўніцтвам Стывена Фрэнсіса. У 2019 годзе Таджэй стаў першым ямайцам, які выйграў золата чэмпіянату свету ў скачках у даўжыню.

На Гульнях Садружнасці 2018 года ў аўстралійскім Голд-Косце ён заняў чацвёртае месца скокнуўшы на 8,12 м. Яго першая перамога ў брыльянтавай Лігі прыпала на 13 ліпеня 2018 года ў Рабаце. У жніўні таго ж года Таджэй стаў сярэбраным прызёрам чэмпіянату Паўночнай Амерыкі, Цэнтральнай Амерыкі і краін Карыбскага басейна з вынікам 8,24 м.

На Панамерыканскіх гульнях у Ліме, у 2019 годзе, ямайскі атлет стаў сярэбраным прызёрам у спаборніцтвах па скачках у даўжыню. Яго вынік — 8,17 метра. Гэта на 10 сантыметраў менш, чым у пераможцы спаборніцтваў.

28 верасня 2019 года Таджэй у горадзе Доха стаў чэмпіёнам свету ў скачках у даўжыню, паказаўшы ў першай жа спробы фінальных спаборніцтваў свой лепшы вынік за кар’еру — 8,69 метра.

У 2023 годзе на чэмпіянаце свету па лёгкай атлетыцы Будапешце Таджэй выйграў бронзу ў скачках у даўжыню з вынікам 8,27 метра.

Зноскі

  1. ↑ Tajay Gayle // World Athletics database