Танканог шызы

Танканог шызы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Аднадольныя[2] Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Падтрыба:  Aveninae Род:  Танканог Від:  Танканог шызы
Міжнародная навуковая назва
Koeleria glauca (Spreng.) DC., 1813
Сістэматыка на Віківідах Выявы на Вікісховішчы ITIS   783646 NCBI   1793978 EOL   5822589 GRIN   t:21223 IPNI   406561-1 TPL   kew-421418

Танкано́г шызы^[3][4] (Koeleria glauca) — від кветкавых раслін сямейства Метлюжковыя (Poaceae).

Апісанне

Шматгадовая травяністая расліна 25—55 см вышынёй, расце ў вольных скупнасцях або пучках. Бясплодныя парасткі разам з лісцем 4—10 см даўжынёй. Карэнішча кароткае або выцягнутае. Сцёблы прамыя, амаль на ўсёй даўжыні апушаны. Ліставыя похвы голыя або апушаны. Лігула 1 мм даўжынёй. Лісце большай часткай валасістае. Ліставыя пласціны згорнутыя, 2—5 см × 1—2 мм, жорсткія, шаравата-зялёныя. Мяцёлка да 5—10 см даўжынёй. Ніжняя кветкавая луска кароткаваласістая. Пылавікоў 3^[4][5].

Распаўсюджанне

Распаўсюджаны ва ўмеранай Еўропе і Азіі, ад Іспаніі да Манголіі; таксама культывуецца^[5][6]. Святлолюбівая расліна, ксерафіт, мезафіт і мезатроф^[7].

Ва Украіне расце на баравых пясках — на Палессі і ў заходніх лясных раёнах, даволі часта; на пясках даліны Дняпра і некаторых яго правабярэжных прытокаў прасоўваецца на поўдзень на мяжы лесастэпу; ізаляваныя месцы вырастання на поўначы левабярэжнага стэпу (Ваўчанскі і Чугуіўскі раёны Харкаўскай вобласці)^[4].

Ахоўваецца на тэрыторыі Львоўскай вобласці Украіны^[7] і шэрагу рэгіёнаў Расіі^[7][8].

Галерэя

• 
• 

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 8. — 160 с. — 2 350 экз.
4. Доброчаева Д. Н., Котов М. И., Прокудин Ю. Н., и др. Определитель высших растений Украины. — К.: Наук. думка, 1987. — С. 444. (руск.) (укр.)
5. Plants of the World Online — Kew Science (нявызн.). Праверана 07.01.2019. (англ.)
6. Germplasm Resources Information Network (GRIN) (нявызн.). Праверана 07.01.2019. (англ.)
7. Тонконог сизый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
8. Koeleria glauca (Spreng.) DC. // ИАС «ООПТ России» (руск.)

Літаратура

• Скуратовіч А. М. Танкано́г // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 424. — 10 000 экз. — ISBN 985-11-0035-8. — ISBN 985-11-0251-2 (т. 15).
• Кім Г. А. Танкано́г // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 77. — 583 с., іл. — 10 000 экз.
• Тонконо́г // Т. 26. Тихоходки — Ульяново. — М. : Советская энциклопедия, 1977. — С. 73—74. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• 22. Koeleria Pers. — Тонконог, Келерия // Определитель высших растений Беларуси (руск.) / Под ред. В. И. Парфёнова. — Мн.: Дизайн Про, 1999. — С. 399. — 472 с. — 1 000 экз. — ISBN 985-6182-78-6.

Спасылкі

• Тонконог сизый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)