Тахаў

Горад Тахаў Tachov Герб Сцяг Краіна  Чэхія Край Пльзенскі Раён Тахаў Каардынаты 49°47′43″ пн. ш. 12°37′59″ у. д.^HGЯO Стараста Ладзіслаў Мацак Першая згадка 1115 Ранейшыя назвы Тахау Плошча 40,85 км² Вышыня цэнтра 483 м Водныя аб’екты Мжэ Насельніцтва ▼ 12 676 чалавек (2012) Паштовы індэкс 347 01 Аўтамабільны код P Афіцыйны сайт tachov-mesto.cz Афіцыйны сайт www.tachov-mesto.cz (чэшск.) Тахаў на карце Чэхіі

Медыяфайлы на Вікісховішчы

Та́хаў (чэшск.: Tachov [ˈtaxof], был. ням.: Tachau) — горад на захадзе Чэшскай Рэспублікі, у Пльзенскім краі. Размешчаны ў 59 кіламетрах на захад ад Пльзеня. З'яўляецца адміністрацыйным цэнтрам раёна Тахаў. Насельніцтва — 12 676 чалавек (2012 год)^[1].

Гісторыя

Назва горада паходзіць ад імя Татамір (чэшск.: Tatomir), скарочана Тах (Tach).

Першая згадка пра Тахаў датуецца 1115 годам. У 1131 годзе згадваецца пра замак каля вёскі Тахаў. У другой палове XIII стагоддзя, падчас кіравання Пржэмысла Отакара II вакол замка фарміруецца горад Тахау. Каля 1300 года горад быў абнесены крапасной сцяной, якая захаваліся да нашых дзён у досыць добрым стане.

Падчас Гусіцкіх войнаў у сцен горада некалькі разоў адбываліся бітвы каталікоў з іх праціўнікамі. Падчас кіравання сямейства Лосі (Losy) стары замак быў перабудаваны ў палац, якім у XVII—XX стст. валодалі Віндзішгрэцы.

У 1869 годзе ў горадзе жыло 5433 чалавекі, большасць з якіх — немцы. У 1874 годзе была пабудавана чыгунка Тахаў — Плана, якая пазней была падоўжана да Домажліцаў. Да 1930 года насельніцтва Тахава павялічылася на 7 000 чалавек.

У 1938 годзе горад у складзе Судэцкай вобласці быў далучаны да Трэцяга рэйха, у 1945 годзе вызвалены амерыканскімі войскамі. Пасля выдання Дэкрэтаў Бенеша горад і яго наваколля пакінула 20 тысяч судэцкіх немцаў; Тахаў практычна спусцеў. У 1950 годзе ў горадзе жыло 4073 чалавекі, а мяжа 1930 года была перасягнута толькі ў 1960-х гадах.

Насельніцтва

Дынаміка колькасці насельніцтва горада:

Год	1869	1880	1890	1900	1910	1921	1930
Насельніцтва	5433	5572	5680	6590	7814	7902	8189
Год	1950	1961	1970	1980	1991	2001	2009
Насельніцтва	4843	5606	8435	11 847	12 833	12 696	13 010

Славутасці

Касцёл Унебаўзяцця Найсвяцейшай Дзевы Марыі

• Касцёл Унебаўзяцця Найсвяцейшай Дзевы Марыі ў гатычным стылі (XIV стагоддзе) з'яўляецца адной з галоўных славутасцей горада. Касцёл не раз падвяргалася рамонту, якія былі часткова фундаваны еўрапейскімі фондамі.

Тахаўскі палац

• Тахаўскі палац - помнік культуры Чэхіі. У 1770 годзе ў палац быў знішчаны, а ўжо ў 1784 годзе быў перабудаваны ў замак у стылі класіцызм. У XX стагоддзі, у канцы 70-х гадоў прайшоў капітальны рамонт замка.

Зноскі

1. Český statistický úřad (нявызн.)(недаступная спасылка). Архівавана з першакрыніцы 26 студзеня 2018. Праверана 15 мая 2014.

Спасылкі

• На Вікісховішчы ёсць медыяфайлы па тэме Тахаў
• Афіцыйны сайт (чэшск.)
• Неафіцыйны сайт (чэшск.)
• Гісторыя горада (англ.)