Тостар (англ.: toaster) — прылада з сілкаваннем ад электрасеткі, прызначаная для хуткага падсмажвання плоскіх кавалкаў хлеба (тостаў).
У залежнасці ад пэўнай мадэлі, тостар можа быць разлічаны на падсмажванне 2 ці 4 кавалачкаў хлеба (так званых «тостаў»). Ва ўсіх тостараў маюцца награвальныя элементы і рэгуляваны тэрмастат, з дапамогай якога ёсць магчымасць абраць неабходны рэжым для падрыхтоўкі больш-менш падсмажаных тостаў і хуткасць падрыхтоўкі. Тэрмастат разлічаны на 6-11 пазіцый рэгулявання тэмпературы. У некаторыя тостары ставяць плыўнае рэгуляванне тэмпературы. Сучасны тостар мае электроннае кіраванне, якое кантралюе час падсмажвання лустаў хлеба ў залежнасці ад абранай карыстальнікам тэмпературы.