Тот

Тот
Міфалогія	Старажытны Егіпет
Пол	мужчынскі пол
Жонка	Маат і Nehmetawy^[d]
У іншых культурах	Гермес
Медыяфайлы на Вікісховішчы

Тот^[1], Джэхуці^[1] — у старажытнаегіпецкай рэлігіі і міфалогіі адзін з найгалоўнейшых багоў, бог Месяца, часу, мудрасці, ліку, пісьма.

Тота найчасцей уяўлялі ў выглядзе чалавека з галавой птушкі ібіс і прыладамі для пісьма ў руках. Лічыўся стваральнікам усяго інтэлектуальнага жыцця, апекуном пісараў, архіваў, бібліятэк. Паводле ўяўленняў егіпцян, Тот вёў лік дням, месяцам, гадам, запісваў дні нараджэння і смерці людзей, вёў летапісы. Ён раздзяліў час на месяцы. Пісцы лічылі Тота сваім заступнікам і перад пачаткам працы здзяйснялі яму ўзліванні^[2]. Пад заступніцтвам Тота знаходзіліся ўсе архівы і знакамітая бібліятэка Гермопаля^[2]. «Кіраваў усімі мовамі» і сам лічыўся мовай бога^[2]. У кульце мёртвых і ў пахавальным абрадзе Тоту належала вядучая роля. Як візір багоў і пісец энеады багоў ён прысутнічаў на судзе Асірыса^[2].

Жонкай Тота лічылася багіня ісціны і парадку Маат^[2].

Крыніцы

1. БелЭн 2002.
2. Мифы народов мира 1992.

Літаратура

• Тот, Джэхуці // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 493. — 10 000 экз. — ISBN 985-11-0035-8. — ISBN 985-11-0251-2 (т. 15).
• Тот // Т. 26. Тихоходки — Ульяново. — М. : Советская энциклопедия, 1977. — С. 124. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Рубинштейн Р. И. Тот, Джехути // Мифы народов мира: Энциклопедия в 2 т. (руск.) / гл. ред. С. А. Токарев. — 2-е изд.. — М.: Советская энциклопедия, 1992. — Т. 2. К—Я. — С. 521—522. — ISBN 5-86018-015-2.

Спасылкі

• На Вікісховішчы ёсць медыяфайлы па тэме Тот
• Малітва богу Тоту аб пасланні ўмення добра пісаць
• Гімн Тоту. Папірус Anastasi III