Тэадор Качынскі

Тэадор Качынскі
англ.: Theodore Kaczynski
Імя пры нараджэнні англ.: Theodore John Kaczynski[2]
Род дзейнасці матэматык, пісьменнік, філосаф, абаронца навакольнага асяроддзя, domestic terrorist, тэрарыст, анархіст
Дата нараджэння 22 мая 1942(1942-05-22)[1][2]
Месца нараджэння
Дата смерці 10 чэрвеня 2023(2023-06-10)[4] (81 год)
Месца смерці
Грамадзянства
Веравызнанне атэізм[6]
Бацька Theodore Richard Kaczynski[d][2]
Маці Wanda Dombek[d][2]
Месца працы
Альма-матар
Аўтограф Выява аўтографа
Лагатып Вікісховішча Медыяфайлы на Вікісховішчы

Тэадор Джон Качынскі-малодшы (англ.: Theodore John Kaczynski, МФА /kəˈzɪnski/; сустракаецца варыянт напісання прозвішча Казінскі, таксама вядомы як Унабомбэр, англ.: Unabomber — скарачэнне ад «University and airline bomber»; 22 мая 1942, Чыкага, Ілінойс, ЗША — 10 чэрвеня 2023, Паўночная Караліна, ЗША) — амерыканскі матэматык, сацыяльны крытык, філосаф, тэрарыст і неалуддзіт, вядомы сваёй кампаніяй па рассылцы бомбаў поштай.

Біяграфія

[правіць | правіць зыходнік]

Нарадзіўся 22 мая 1942 года ў Чыкага. Паходзіў з сям’і з польскімі каранямі (бабуля і дзядуля былі палякамі)[8].

Ужо ў раннім узросце вылучаўся сярод іншых дзяцей, бо быў вундэркіндам. Быў залічаны ў Гарвардскі ўніверсітэт у 16 гадоў, атрымаў ступень бакалаўра і пазней атрымаў ступень доктара па матэматыцы ў Мічыганскім універсітэце. Стаў старшым выкладчыкам у Каліфарнійскім універсітэце ў Берклі ў 25 гадоў, але праз два гады звольніўся.

У 1970/1971 годзе пераехаў у Лінкальн, штат Мантана, дзе пасяліўся ў хаціне без электрычнасці і вадаправода. Там ён пачаў асвойваць навыкі выжывання, каб стаць самадастатковым. Убачыўшы, што каля яго дома пачалі будаўніцтва дарогі, ён вырашыўся на масавае рассыланне бомбаў. З 1978 па 1995 год Качынскі адправіў па пошце 16 пасылак з бомбамі, мэтай якіх былі ўніверсітэты і авіялініі. У выніку выбухаў гэтых бомбаў загінулі 3 чалавекі і 23 былі паранены. 24 красавіка 1995 года Качынскі адправіў у газету «Нью-Ёрк Таймс» ліст, у якім паабяцаў у далейшым «устрымацца ад тэрарызму», калі «Нью-Ёрк Таймс» ці «Вашынгтон Пост» апублікуе яго маніфест. У сваёй працы «Індустрыяльнае грамадства і яго будучыня» (таксама званай «Маніфест Унабомбера») ён тлумачыў, што яго бомбы былі крайняй мерай, але ўсё ж неабходнай для таго, каб прыцягнуць увагу да працэсу памяншэння чалавечай свабоды ў грамадстве з-за сучасных тэхналогій, якія патрабуюць буйнамаштабнай арганізацыі. Качынскі быў адной з самых дарагіх мэт ФБР. Да таго, як яго асоба была ўстаноўлена, ФБР выкарыстоўвала для яго мянушку Унабам (англ.: Unabom (University and airline bomber) — «бамбіст універсітэтаў і авіяліній»). Пазней дзякуючы прэсе гэтая мянушка ператварылася ў слова Унабомбер (англ.: Unabomber). Бюро спрыяла публікацыі «Маніфеста» Качынскага, у выніку чаго яго брат апазнаў яго стыль ліста (паводле іншых звестак, ён знайшоў дома запіскі, якія па стылі нагадвалі «Маніфест») і праінфармаваў ФБР (звярнуўшыся проста ў Вашынгтон) аб асобе злачынца. Качынскі быў арыштаваны ў 1996 годзе. У 1998 годзе ён прызнаў сябе вінаватым па ўсіх пунктах абвінавачання і быў прыгавораны да васьмі пажыццёвых тэрмінаў пазбаўлення волі без магчымасці ўмоўна-датэрміновага вызвалення.

Памёр 10 чэрвеня 2023 года ў турэмным шпіталі федэральнай турмы ЗША у Паўночнай Караліне[9].

Зноскі

  1. ↑ Theodore John Kaczynski // Babelio — 2007.
  2. ↑ а б в г д е PRISONER OF RAGE -- A special report.;From a Child of Promise to the Unabom Suspect — The New York Times, 1996. Праверана 24 лютага 2021.
  3. ↑ Ray M. Ted Kaczynski // Encyclopædia Britannica
  4. ↑ а б Ted Kaczynski, known as the Unabomber for years of attacks that killed 3, dies in prison at 81 — 2023. Праверана 10 чэрвеня 2023.
  5. ↑ Ray, Michael Ted Kaczynski // Ted Kaczynski: American criminal Праверана 11 чэрвеня 2023.
  6. ↑ Kaczynski: I don't believe in God — Yahoo! News.
  7. ↑ Un matemático con cuatro cadenas perpetuas. La serie 'Manhunt: Unabomber' de Netflix ha vuelto a poner de actualidad la enigmática figura de Ted Kaczynski, matemático y uno de los terroristas más esquivos de la historia
  8. ↑ William Addams Reitwiesner: Ancestry of Ted Kaczynski.
  9. ↑ Террорист Унабомбер умер в американской тюрьме