Тэрыторыя Танганьіка

У паняцця ёсць і іншыя значэнні, гл. Танганьіка (значэнні).

Калонія Вялікабрытаніі, мандат Вялікабрытаніі, падапечная тэрыторыя ААН пад апекай Вялікабрытаніі
Танганьіка
Tanganyika
Герб Сцяг Танганьікі (1919—1961)
<   > 28 чэрвеня 1919 года — 9 снежня 1961 года
Сталіца	Дар-эс-Салам
Грашовая адзінка	East African shilling^[d]
Гісторыя
• 10 студзеня 1920	уступленне ў сілу Версальскага дагавора, падзел Германскай Усходняй Афрыкі і стварэнне калоніі Вялікабрытаніі Танганьіка
• 22 ліпеня 1922	пераўтварэнне ў мандат Лігі Нацый пад кіраваннем Вялікабрытаніі
• 11 снежня 1946	пераўтварэнне ў падапечную тэрыторыю ААН пад апекай Вялікабрытаніі
• 9 мая 1961	атрыманне самакіравання
• 9 снежня 1961	атрыманне незалежнасці (канстытуцыйная манархія)
Медыяфайлы на Вікісховішчы

Танганьі́ка (англ.: Tanganyika) — ўсходнеафрыканская тэрыторыя (і з 9 снежня 1961 года да 26 красавіка 1964 года незалежнай дзяржавы), якая размяшчалася паміж найбольшымі з афрыканскіх Вялікіх азёр: возерам Вікторыя, возерам Малаві і возерам Танганьіка, і была названай у гонар апошняга. Раней частка калоніі Германская Усходняя Афрыка, цяпер мацерыковая частка Танзаніі.

Падчас Першай сусветнай вайны тэрыторыя Танганьікі заваявана Вялікабрытаніяй і адышла да яе паводле Версальскага мірнага дагавора. З 22 ліпеня 1922 года мандатная тэрыторыя Лігі Нацый пад кіраваннем Вялікабрытаніі; з 11 снежня 1946 года падапечная тэрыторыя ААН пад тым жа кіраваннем.

9 снежня 1961 года Танганьіка стала незалежнай дзяржавай як канстытуцыйная манархія, а 9 снежня 1962 года абвешчана Рэспубліка Танганьіка ў складзе Садружнасці Нацый. 26 красавіка 1964 года Танганьіка і Занзібар утварылі Аб’яднаную Рэспубліку Танганьіка і Занзібар, пераназваную 29 кастрычніка 1964 года ў Аб’яднаную Рэспубліку Танзанія.

Хоць Танганьіка існуе ў межах Танзаніі, гэту назву больш не выкарыстоўваюць для абазначэння тэрыторыі. Яе выкарыстанне можа быць палітычна некарэктным, не толькі як зварот да каланіяльных часоў, але таксама як намёк на апазіцыю саюза з Занзібарам. У нашы дні назва Танганьіка выкарыстоўваецца галоўным чынам для абазначэння аднайменнага возера.

Зноскі

Літаратура

• Танганьі́ка // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 417. — 10 000 экз. — ISBN 985-11-0035-8. — ISBN 985-11-0251-2 (т. 15).