Украінская рэвалюцыя

Украінская рэвалюцыя
Украінская рэвалюцыя
	Асноўны канфлікт: Першая сусветная вайна
	; Дэманстрацыя ў падтрымку Украінскай Народнай Рэспублікі на Сафійскай плошчы ў Кіеве.
Дата	8 лістапада 1917 — 17 лістапада 1921
Месца	Украіна
Вынік	Перамога бальшавікоў
Праціўнікі
Украінская Народная Рэспубліка; Заходне-Украінская Народная Рэспубліка; Германская імперыя (1918); Аўстра-Венгрыя (1918); Польшча (1920–1921)	УССР; РСФСР Рэвалюцыйная паўстанцкая армія Украіны (да 1919 года на баку бальшавікоў)
	Украінская дзяржава; Белы рух Германская імперыя (1917–1918) Румынія (1918); Малдова; Польшча (1918–1919); Францыя (1919); Грэцыя
	Медыяфайлы на Вікісховішчы

Украінская рэвалюцыя альбо Вайна за незалежнасць Украіны — шэраг падзей, звязаных з нацыянальна-вызваленчай барацьбой украінскага народа ў 1917—1921 гадах.

Штуршком да пачатку Украінскай рэвалюцыі стала Лютаўская рэвалюцыя ў Расійскай імперыі. Ва Украіне ўтварыўся альтэрнатыўны цэнтр улады — Украінская Цэнтральная Рада (УЦР), якая стала прадстаўнічым органам украінскіх дэмакратычных сіл і ўзначаліла нацыянальна-дэмакратычную рэвалюцыю ва Украіне. Кіраўніком УЦР стаў Міхаіл Грушэўскі.

У перыяд з 1917 па 1921 гады Украіна перажыла розныя формы нацыянальнай дзяржаўнасці (УНР, Украінская дзяржава, ЗУНР), але дзяржаўную незалежнасць утрымаць не змагла. Украінскія этнічныя тэрыторыі былі падзеленыя паміж СССР, Польскай Рэспублікай, Каралеўствам Румынія і Чэхаславацкай Рэспублікай. Такім чынам, Украінская нацыянальна-дэмакратычная рэвалюцыя пацярпела паразу. Гэта параза было была следствам незгуртаванасці палітычнай эліты, незавершанасці працэсу фарміравання нацыі, адрозненняў паміж нацыянальнымі і сацыяльнымі задачамі вызвольнага руху, яго абумоўленасцю знешнімі палітычнымі і перш за ўсё ваеннымі фактарамі. Аднак, не дасягнуўшы сваёй мэты, Украінская рэвалюцыя пачала працэс фарміравання сучаснай палітычнай нацыі і адрадзіла традыцыю ўкраінскай дзяржаўнасці.