Універсітэт Каменскага ў Браціславе (славацк.: Univerzita Komenského v Bratislave) — найбуйнейшы ўніверсітэт Славакіі. Названы ў гонар выдатнага чэшскага педагога Яна Амоса Каменскага. Універсітэт уваходзіць у асацыяцыю ўніверсітэтаў Еўропы Утрэхцкая сетка.
Універсітэт быў заснаваны неўзабаве пасля стварэння незалежнай Чэхаславакіі ў 1919 годзе з дапамогай Карлава ўніверсітэта ў Празе, у выніку чаго доўгі час значную частку прафесарска-выкладчыцкага складу складалі чэхі. Першапачаткова ва ўніверсітэце быў толькі адзін факультэт — медыцынскі, аднак ужо ў 1921 годзе былі адкрытыя філасофскі і юрыдычны факультэты. У 1939—1954 гадах універсітэт называўся Славацкім універсітэтам. Адкрываліся новыя факультэты:
1940 год — факультэт натуральных навук
1941 год — каталіцкі тэалагічны факультэт;
1947 год — педагагічны факультэт;
1952 год — фармацэўтычны факультэт;
1960 год — факультэт фізічнай культуры і спорту;
1969 год — медыцынскі факультэт;
1980 год — фізіка-матэматычны фалькутэт;
1990 год — евангелісцкі тэалагічны факультэт;
1991 год — факультэт менеджменту;
2002 год — факультэт сацыяльных і эканамічных навук;
Медыяфайлы на Вікісховішчы
На Вікісховішчы ёсць медыяфайлы па тэме Універсітэт Каменскага ў Браціславе
