Універсітэт Садружнасці Вірджынія (англ.: Virginia Commonwealth University) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Рычманд у штаце Вірджынія.
Назва вучэльні паходзіць ад афіцыйнага наймення штата — Садружнасць Вірджынія. Універсітэт быў заснаваны ў 1838 годзе як медыцынскі факультэт Хэмпдэн-Сіднэйскага каледжа, які ў 1854 годзе стаў Вірджынскім медыцынскім каледжам. У 1968 годзе генеральная асамблея штата аб'яднала яго з Рычмандскім прафесійным інстытутам, заснаваным у 1917 годзе, для стварэння ўніверсітэта. У 2022 годзе ўніверсітэт атрымаў рэкордныя 405 мільёнаў долараў ЗША праз спонсарскае фінансаванне даследаванняў і быў аднесены да катэгорыі ўніверсітэтаў з вельмі высокай даследчай актыўнасцю. 28 аспіранцкіх праграм ацэньваюцца як адны з лепшых у ЗША.
- Школа медыяў
- Школа дзяржаўных і грамадскіх спраў
- Школа сумежных медыцынскіх прафесій
- Школа мастацтваў
- Школа бізнесу
- Школа стаматалогіі
- Школа адукацыі
- Каледж інжынерыі
- Школа медыцыны
- Школа медсястрынства
- Школа фармацыі
- Школа сацыяльнай працы
- Школа сусветных студый
- Універсітэцкі каледж
- Каледж гуманітарных і прыродазнаўчых навук
Медыяфайлы на Вікісховішчы
На Вікісховішчы ёсць медыяфайлы па тэме Універсітэт Садружнасці Вірджынія