Уільям Бэзіётс

Уільям Бэзіётс
Дата нараджэння 11 чэрвеня 1912(1912-06-11)[1][2][…]
Месца нараджэння
Дата смерці 6 чэрвеня 1963(1963-06-06)[3] (50 гадоў)
Месца смерці
Грамадзянства
Род дзейнасці мастак, рысавальнік
Месца працы
Мастацкі кірунак абстрактны экспрэсіянізм і жывапіс дзеяння[d]
Уплыў на Arcadia Olenska-Petryshyn[d]

Уільям Бэзіётс (англ.: William Baziotes; 11 чэрвеня 1912, Пітсбург — 6 чэрвеня 1963, Нью-Ёрк) — амерыканскі жывапісец Нью-Ёркскай школы абстрактнага экспрэсіянізму, які пачынаў мастацкую кар’еру як сюррэаліст.

Жыццё і творчасць

[правіць | правіць зыходнік]

Нарадзіўся ў сям’і грэчаскіх эмігрантаў. У 1933—1936 гадах вучыўся ў Нацыянальнай акадэміі дызайну ў Нью-Ёрку. У гэты перыяд мастак яшчэ далёкі ад абстракцыянізму і піша збольшага нацюрморты і пейзажы. У 1936—1941 гадах выкладаў жывапіс у Нью-Ёрку. У 1941 годзе знаёміцца з Робертам Мазервелам, іх сяброўства перарасло ў творчае супрацоўніцтва. Майстар адмаўляецца ад натуралістычнай манеры і звяртаецца да абстракцыянізму. У 1942 годзе ён удзельнічае ў выставе сюррэалістаў у Нью-Ёрку, у 1945 годзе адбылася яго першая персанальная выстава ў галерэі мастацтваў Пегі Гугенхайм. У 1948 годзе ўдзельнічае — сумесна з Р. Мазервелам, Барнетам Ньюменам і Маркам Ротка — у стварэнні мастацкай школы Subjects of the Artist School[6], а пазней — абстракцыянісцкага Клуба. З 1952 года выкладаў жывапіс у Гарадскім універсітэце Нью-Ёрка, у Хантэр-каледжы і ў Нью-Ёркскім універсітэце.

Уільям Бэзіётс жыў са сваёй жонкай Этэль (у шлюбе з 1941) на Манхэтэне, у квартале Морнінгсайд-Хайтс, у Нью-Ёрку. Тут ён і памёр ад раку лёгкіх 6 чэрвеня 1963 ва ўзросце 50 гадоў.

Зноскі

  1. ↑ RKDartists Праверана 23 жніўня 2017.
  2. ↑ William A. Baziotes — OUP, 2006. — ISBN 978-0-19-977378-7
  3. ↑ Mattison R. S. William Baziotes // Baziotes, William // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T007076
  4. ↑ Museum of Modern Art online collection Праверана 4 снежня 2019.