Уільям Макей

Уільям Макей
Дата нараджэння 19 жніўня 1915(1915-08-19)
Месца нараджэння
Дата смерці 18 кастрычніка 1995(1995-10-18) (80 гадоў)
Месца смерці
Грамадзянства
Род дзейнасці каталіцкі святар, місіянер
У Вікіпедыі ёсць артыкулы пра іншых людзей з прозвішчам Макей.

Айцец Уільям Джозеф Макей (1915, Манрэаль — 18 кастрычніка 1995, Тхімпху) — канадскі езуіцкі святар, стваральнік сучаснай сістэмы адукацыі ў Бутане, уключаючы першую вышэйшую школу[en] (каледж Шарубцэ  (руск.) (бел.).

Біяграфія

[правіць | правіць зыходнік]

Раннія гады

[правіць | правіць зыходнік]

Макей далучыўся да езуітаў у 1932 годзе, а ў 1945 годзе быў пасвечаны. У 1946 годзе ён выехаў з Канады ў езуіцкую місію ў Дарджылінг, Індыя. Айцец Макей праслужыў там 17 гадоў, на працягу якіх прымаў удзел у шматлікіх адукацыйных праграмах і быў дырэктарам дзвюх школ. Аднак ён стаў непапулярным у мясцовых уладаў, і ў 1963 годзе яму загадалі пакінуць краіну[1].

Калі кароль Бутану Джыгме Дорджы Вангчук даведаўся пра неадкладную высылку айца Макея з Індыі, ён запрасіў святара стаць педагогам у Бутане ў рамках праграмы мадэрнізацыі краіны. Айцец Макей прыняў прапанову. У якасці папераджальных мер ён выдаліў усе свае зубы, бо ведаў, што не зможа атрымаць доступ да сучаснай стаматалогіі[2].

Жыццё ў Бутане

[правіць | правіць зыходнік]

Айцец Макей прыбыў у Бутан у кастрычніку 1963 года. Езуіты сталі першай афіцыйнай Рымска-каталіцкай місіяй у Бутане. На працягу наступных трох дзесяцігоддзяў айцец Макей не мог звяртаць бутанскіх грамадзян у хрысціянства, паколькі гэта было забаронена бутанскімі законамі.

Сваю першую школу ён стварыў у Трашыгангу, яна размяшчалася ў закінутым кароўніку і ў ёй вучылася 7 вучняў[3].

У 1973 годзе айцец Макей быў узнагароджаны Каралеўскім ордэнам Бутана за заслугі ў развіцці адукацыі ў Бутане. У 1985 годзе ён стаў ганаровым грамадзянінам Бутана, а калі ў 1988 годзе езуіцкі ордэн быў выгнаны з Бутана, айцу Макею дазволілі застацца ў краіне.

Пасля яго смерці ў 1995 годзе яго некралог на нацыянальным радыё Бутана працягваўся на працягу 15 хвілін. Нягледзячы на яго пажаданні быць пахаваным у Бутане, езуіты запатрабавалі яго цела, каб пахаваць на сваіх могілках.

Зноскі

  1. ↑ Иезуит и дракон: жизнь отца Уильяма Маккея. Архівавана з першакрыніцы 20 мая 2011. Праверана 21 чэрвеня 2010.
  2. ↑ BRITISH-INDIAN MEDICAL SERVICE OFFICERS IN BHUTAN(недаступная спасылка)
  3. ↑ 12-я годовщина смерти отца Уильяма Маккея Архівавана 7 ліпеня 2011 года.

Літаратура

[правіць | правіць зыходнік]
  • Ховард Солверсон. Иезуит и Дракон: Жизнь отца Уильяма Маккея в гималайском Королевстве Бутан. — 1995.