Фернанда Гага

Фернанда Гага
Агульная інфармацыя
Поўнае імя	Фернанда Рубен Гага
Нарадзіўся	10 красавіка 1986(1986-04-10)[1][2]^[…] (38 гадоў) Сьюдадэла^[d], партыда Трэс-дэ-Фебрэра^[d], правінцыя Буэнас-Айрэс, Аргенціна
Грамадзянства	Аргенціна  Італія
Рост	178 см
Вага	70 кг
Пазіцыя	апорны паўабаронца
Маладзёжныя клубы
Клуб Сацыяль Парке 1991—2004 Бока Хуніярс
Клубная кар’ера[* 1]
2004—2007 Бока Хуніярс 69 (1) 2007—2012 Рэал Мадрыд 92 (1) 2011—2012 →  Рома 32 (1) 2012—2013 Валенсія 12 (0) 2013 →  Велес Сарсфілд 4 (0) 2013—2019 Бока Хуніярс 118 (7) 2019—2020 Велес Сарсфілд 14 (0)
Нацыянальная зборная[* 2]
2005 Аргенціна (да 20) 14 (0) 2008 Аргенціна (да 23) 9 (0) 2007—2017 Аргенціна 61 (0)
Трэнерская кар’ера
2021 Альдасіві 2021—2023 Расінг Авельянеда
Узнагароды і медалі
Алімпійскія гульні Золата Пекін 2008 футбол Чэмпіянаты свету Срэбра Бразілія 2014 Кубкі Амерыкі Срэбра Венесуэла 2007 Срэбра Чылі 2015
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 лістапада 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 16 лютага 2019
Медыяфайлы на Вікісховішчы

Ферна́нда Рубе́н Га́га (ісп.: Fernando Rubén Gago; нар. 10 красавіка 1986, Сьюдадэла, Аргенціна) — аргенцінскі футбаліст (апорны паўабаронца) і трэнер. Ігрок нацыянальнай зборнай Аргенціны (2007—2017).

Клубная кар’ера

«Бока Хуніярс»

Гага, які прыйшоў у дарослую каманду клуба «Бока Хуніярс» з юнацкай, дэбютаваў у асноўным складзе 5 снежня 2004 года ў гульні супраць «Кільмеса», якая скончылася перамогай «Хуніярс» з лікам 1:0. Нягледзячы на малады ўзрост, ён хутка стаў асноўным іграком паўабароны клуба, і яго сталі часцяком параўноўваць з Фернанда Рэдонда. яго ўпэўненая гульня выклікала цікавасць да яго з боку такіх іспанскіх клубаў, як «Рэал» і «Барселона».

«Рэал»

15 лістапада 2006 года прэзідэнт «Рэала» Рамон Кальдэрон ухваліў падпісанне Гага і яго суайчынніка Гансала Ігуаіна. Кантракт Гага з «Рэалам» быў падпісаны 19 снежня 2006 года, сума трансферу склала 20,4 млн еўра.

Дэбют Гага ў «Рэале» адбыўся 7 студзеня 2007 года ў матчы іспанскай Прымеры супраць «Дэпартыва». «Рэал» перамог у гэтай гульні з лікам 2:0. Пасля шэрагу памылак, учыненых ім на полі, Гага быў заменены ў сваім першым матчы на Раналду. Праз тыдзень, у наступнай гульні за клуб супраць «Сарагосы», Гага пацвердзіў сваю значнасць на футбольным полі. яго гульня дастаўляла нязручнасці супернікам, ён дэманстраваў выдатнае бачанне поля і абвастрэнні атакі сваёй каманды. «Рэал» абыграў «Сарагосу» з лікам 1:0 дзякуючы голу Руда ван Ністэлроя.

«Рома»

31 жніўня 2011 года Гага адправіўся ў гадавую арэнду ў італьянскую «Рому»^[3][4]. У канцы сезона Гага паведаміў, што хоча застацца ў «Роме».

«Валенсія»

19 ліпеня 2012 года было абвешчана аб пераходзе Гага з «Рэала» ў «Валенсію», як паведамлялася за 3,5 млн еўра. Дэбютаваў Фернанда ў складзе свайго новага клуба 19 жніўня 2012 года ў гульні супраць свайго былога клуба «Рэала». Матч скончыўся ўнічыю з лікам 1:1, Фернанда адгуляў усе 90 хвілін матча. 2013 год правёў у арэндзе ў клубе «Велес Сарсфілд», дзе стаў чэмпіёнам Аргенціны.

Вяртанне ў «Боку»

У 2013 годзе было афіцыйна пацверджана, што аргенцінскі клуб «Бока Хуніярс», за які Фернанда пачынаў сваю прафесійную кар’еру, выкупіў 50 % правоў на іграка ў «Валенсіі» за плату ў памеры 1,7 млн еўра.

У снежні 2018 года атрымаў цяжкую траўму, і ў лютым 2019 года кантракт клуба з паўабаронцам быў разарваны.

«Велес Сарсфілд»

У чэрвені 2019 года зноў далучыўся да клуба «Велес Сарсфілд». У лістападзе 2020 года абвясціў аб завяршэнні кар’еры.

Міжнародная кар’ера

Хоць Фернанда і не быў абраны ў лік ігракоў зборнай Аргенціны да чэмпіянату свету 2006 года ў Германіі, ён атрымаў заклік праз год і гуляў у 2007 годзе на Кубку Амерыкі. З тых часоў ён быў сталым членам каманды.

Трэнерская кар’ера

У студзені 2021 года ўзначаліў клуб «Альдасіві», дзе працаваў да верасня. У кастрычніку 2021 года быў прызначаны галоўным трэнерам «Расінга» з Авельянеды. Пакінуў пасаду ў верасні 2023 года.

Дасягненні

Клубныя

«Бока Хуніярс»:

• Чэмпіён Аргенціны (5): 2005 (а), 2006 (к), 2015, 2016/17, 2017/18
• Уладальнік Кубка Аргенціны: 2015
• Уладальнік Паўднёваамерыканскага кубка: 2005
• Пераможца Рэкопы Паўднёвай Амерыкі (2): 2005, 2006

«Рэал»:

• Чэмпіён Іспаніі (2): 2007, 2008
• Уладальнік Кубка Іспаніі: 2011
• Уладальнік Суперкубка Іспаніі: 2008

«Велес Сарсфілд»:

• Чэмпіён Аргенціны: 2013

Міжнародныя

Аргенціна:

• Пераможца Алімпійскіх гульняў: 2008

Асабістае жыццё

27 ліпеня 2011 года Фернанда пабраўся шлюбам з аргенцінскай тэнісісткай Хіселай Дулка^[5].

Крыніцы

1. Fernando Gago // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. Fernando Gago // FBref
   <a href="https://wikidata.org/wiki/Track:Q56239490"></a>
3. «Рома» арендовала Гаго. sports.ru
4. AS Rom holt Gago aus Madrid. transfermarkt.de
5. Дулко вышла замуж. sports.ru

Спасылкі

• На Вікісховішчы ёсць медыяфайлы па тэме Фернанда Гага