Фларыдскі Атлантычны ўніверсітэт (англ.: Florida Atlantic University) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Бока-Ратон, штат Фларыда.
Універсітэт з'яўляецца часткай Сістэмы дзяржаўных універсітэтаў штата Фларыда. Ён быў створаны як пяты дзяржаўны універсітэт у Фларыдзе. Універсітэт хутка вырас і стаў адной з буйнейшых устаноў адукацыі ў штаце па колькасці студэнтаў. Фларыдскі Атлантычны ўніверсітэт прапануе больш за 180 праграм бакалаўрыяту і магістратуры ў сваіх 10 акадэмічных каледжах. Вучэльня адкрылася ў 1964 годзе як першы дзяржаўны ўніверсітэт у ваколіцах Маямі, прапаноўваючы толькі поўную вышэйшую адукацыю. Гадавы бюджэт універсітэта складае каля 1 мільярда долараў ЗША, а гадавы эканамічны эфект — больш 6 мільярда долараў ЗША. З 1964 года ўніверсітэт надаў дыпломы больш чым 185 000 выпускнікам.
- Каледж мастацтваў і літаратуры
- Каледж бізнесу
- Каледж сацыяльнай працы і крымінальнай юстыцыі
- Каледж адукацыі
- Каледж інжынерыі і камп'ютарных навук
- Каледж медыцыны
- Каледж медсястрынства
- Каледж дакладных навук
- Каледж аспірантуры
- Ганаровы каледж
Медыяфайлы на Вікісховішчы
На Вікісховішчы ёсць медыяфайлы па тэме Фларыдскі Атлантычны ўніверсітэт
