Фронт нацыянальнага вызвалення (Бурундзі)

Фронт нацыянальнага вызвалення
Штаб-кватэра
Краіна

Фронт нацыянальнага вызвалення, ФНВ (фр.: Front de libération nationale, FROLINA) — палітычная партыя хуту ў Бурундзі. Раней дзейнічала як паўстанцкая групоўка. Была адной з фракцый грамадзянскай вайны ў Бурундзі.

Гісторыя

[правіць | правіць зыходнік]

Заснавана ў сярэдзіне 1980-х пад назвай Umbumwé («Салідарнасць») Джозефам Карумба[1], былым школьным настаўнікам[2]. Першую буйную акцыю правяла 13 жніўня 1990 года, калі байцы фракцыі напалі на бурундзійскіх вайскоўцаў у Мабандале. ФНВ атрымаў падтрымку з боку Танзаніі[1], з тэрыторыі якой арганізаваў партызанскую вайну супраць урада Бурундзі[1].

У цэлым ФНВ заставаўся нязначнай сілай у параўнанні з іншымі паўстанцкімі рухамі хуту[3]. Аднак, як і большасць іншых фракцый хуту, групоўка жадала знішчэння або маргіналізацыі ўсіх тутсі Бурундзі[2].

Да 1998 года баевікі спынілі баявыя аперацыі супраць урада[1], так як ФНВ і ўрад пачалі перамовы[4], па выніку якіх у жніўні 2000 года бакі падпісалі Арушскія пагадненні. Паводле дамовы, паўстанцы пагадзілася на спыненне агню і канчатковую інтэграцыю ў армію Бурундзі ў рамках пагаднення аб падзеле ўлады. Аднак частка баевікоў працягнула барацьбу[1].

У канцы 2001 года чатыры члена арганізацыі ўвайшлі ў склад Пераходнай нацыянальнай асамблеі[5]. Да 2005 года ФНВ завяршыў расфарміраванне свайго баявога крыла. На выбарах у камунальныя органы Бурундзі ў 2010 годзе партыя набрала менш за 1% галасоў[6].

Заўвагі

[правіць | правіць зыходнік]
  1. ↑ а б в г д Lansford 2017, p. 227.
  2. ↑ а б Prunier 2009, p. 59.
  3. ↑ Ngaruko & Nkurunziza 2005, p. 49.
  4. ↑ Buyoya meets FRODEBU, FROLINA leaders. IRIN (6 верасня 2001). Праверана 4 December 2018.
  5. ↑ Lansford 2017, pp. 227–228.
  6. ↑ Lansford 2017, p. 228.

Літаратура

[правіць | правіць зыходнік]
  • Ngaruko, Floribert; Nkurunziza, Janvier D. (2005). "Civil War and Its Duration in Burundi". In Paul Collier; Nicholas Sambanis (рэд-ры). Understanding Civil War: Africa. Evidence and Analysis. Washington, D.C.: World Bank. pp. 35–62. ISBN 978-0-8213-6047-7.
  • Lansford, Tom, рэд. (2017). Political Handbook of the World 2016-2017. Volume 1. Thousand Oaks, California: SAGE Publishing. ISBN 978-1-5063-2718-1.
  • Prunier, Gérard (2009). Africa's World War : Congo, the Rwandan Genocide, and the Making of a Continental Catastrophe: Congo, the Rwandan Genocide, and the Making of a Continental Catastrophe. Oxford: Oxford University Press. ISBN 978-0-19-970583-2.