Хандрэдвейт

Хандрэдвейт (cwt) (англ.: hundredweight ад hundred — сто і weight — вага) — неметрычная адзінка вымярэння масы ў ЗША і Вялікабрытаніі. Адрозніваюць амерыканскія і англійскія хандрэдвейты:

  • Амерыканскі хандрэдвейт (кароткі хандрэдвейт, амерыканскі цэнтнер, цэнтал, англійскі квінтал) = 1/20 амерыканскай тоны = 100 гандлёвых фунтаў = 45,359237 кілаграм. Выкарыстоўваецца, у асноўным, у сельскай гаспадарцы (вага жывёл, пшаніцы і т. п.).
  • Англійскі хандрэдвейт (доўгі хандрэдвейт, англійскі цэнтнер, лонданскі хандрэдвейт) = 1/20 англійскай тоны = 112 гандлёвых фунтаў = 50,80234544 кілаграм. Выкарыстоўваецца рэдка. У Ірландыі і Вялікабрытаніі вугаль і будаўнічыя матэрыялы фасавалі ў мяшкі з такой вагай, але ў апошні час часцей выкарыстоўваецца пакаванне па 50 кілаграм.

У абедзвюх сістэмах хандрэдвейт пазначаецца абрэвіятурай cwt, у якой WT — гэтае скарачэнне ангдіскага weight (вага), а C — гэта напісаны рымскай лічбай лік 100.

Да XV стагоддзя ў Англіі выкарыстоўваўся так званы стары хандрэдвейт, роўны 108 гандлёвым фунтам, гэта значыць тона, утвораная з 20 такіх хандрэдвейтаў, складалася з 2160 гандлёвых фунтаў. Стары хандрэдвейт быў заменены англійскім хандрэдвейтам.

Глядзіце таксама

[правіць | правіць зыходнік]