Хуанфран Торэс

У Вікіпедыі ёсць артыкулы пра іншых людзей з прозвішчам Торэс.

Хуанфран
Агульная інфармацыя
Поўнае імя	Хуан Франсіска Торэс Белен
Мянушка	Хуанфран (Juanfran)
Нарадзіўся	9 студзеня 1985(1985-01-09)[1][2]^[…] (40 гадоў) Крэвільентэ^[d], Бах-Віналопа^[d], правінцыя Алікантэ, аўтаномная супольнасць Валенсія, Іспанія
Грамадзянства	Іспанія
Рост	180 см
Вага	72 кг
Пазіцыя	правы паўабаронца, правы абаронца
Маладзёжныя клубы
1994—2001 Кельме 2001—2002 Рэал Мадрыд
Клубная кар’ера[* 1]
2002—2006 Рэал Мадрыд 6 (0) 2002—2005 →  Рэал Мадрыд B 56 (6) 2005—2006 →  Эспаньёл 30 (1) 2006—2011 Асасуна 148 (12) 2011—2019 Атлетыка Мадрыд 243 (3) 2019—2021 Сан-Паўлу 37 (0)
Нацыянальная зборная[* 2]
2003 Іспанія (да 17) 4 (1) 2003 Іспанія (да 18) 3 (0) 2004 Іспанія (да 19) 4 (1) 2003—2005 Іспанія (да 20) 11 (3) 2004—2006 Іспанія (да 21) 9 (0) 2012—2016 Іспанія 22 (1)
Узнагароды і медалі
Чэмпіянаты Еўропы Золата Польшча/Украіна 2012
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 ліпеня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 7 ліпеня 2019
Медыяфайлы на Вікісховішчы

Хуан Франсіска «Хуанфран» Торэс Белен (ісп.: Juan Francisco «Juanfran» Torres Belén; нар. 9 студзеня 1985, Крэвільентэ, Іспанія) — іспанскі футбаліст, абаронца. Ігрок нацыянальнай зборнай Іспаніі (2012—2016). Гуляў, у асноўным, на пазіцыі правага абаронцы.

Клубная кар’ера

«Рэал» Мадрыд

Хуанфран з’яўляецца выхаванцам футбольнай акадэміі мадрыдскага «Рэала», дэбютаваўшы ў складзе клуба 24 студзеня 2004 года. У той дзень ігрок правёў на пляцоўцы 15 хвілін у пераможным матчы супраць «Вільярэала», пасля чаго выступаў, у асноўным, у другой камандзе клуба. Сезон 2005/06 правёў у арэндзе ў клубе «Эспаньёл», дзе атрымаў вопыт рэгулярных выступаў у Ла Лізе і заваяваў свой першы буйны трафей, стаўшы ўладальнікам Кубка Іспаніі.

«Асасуна»

Пасля сканчэння тэрміну арэнды Хуанфран вярнуўся ў «Рэал», аднак адразу ж перайшоў да іншага прадстаўніка іспанскага элітнага дывізіёна клуба «Асасуна», заключыўшы з ім паўнавартасны кантракт. Гуляючы ў складзе «Асасуны», выходзіў на поле ў асноўным складзе каманды.

«Атлетыка»

11 студзеня 2011 года Хуанфран падпісаў кантракт з клубам «Атлетыка» Мадрыд да чэрвеня 2015 года. Разам з камандай станавіўся чэмпіёнам Іспаніі, двойчы выхадзіў у фінал Лігі чэмпіёнаў.

У маі 2019 года абвясціў аб зыходзе з «Атлетыка» па заканчэнні кантракта^[3].

«Сан-Паўлу»

У жніўні 2019 года падпісаў кантракт на 1,5 гады з бразільскім клубам «Сан-Паўлу»^[4]. Пакінуў каманду па заканчэнні сезона ў лютым 2021 года. Пасля гэтага, завяршыўшы прафесійную кар’еру, вярнуўся ў Іспанію, дзе стаў гуляць у міні-футбол.

Міжнародная кар’ера

26 мая 2012 года таварыскім матчам супраць зборнай Сербіі дэбютаваў у афіцыйных матчах у складзе зборнай Іспаніі. Нягледзячы на практычную адсутнасць вопыту выступаў у складзе першай зборнай Іспаніі, быў уключаны ў заяўку для ўдзелу ў фінальнай частцы чэмпіянату Еўропы 2012.

Дасягненні

Клубныя

«Эспаньёл»:

• Уладальнік Кубка Іспаніі: 2006

«Атлетыка»:

• Чэмпіён Іспаніі: 2014
• Уладальнік Кубка Іспаніі: 2013
• Уладальнік Суперкубка Іспаніі: 2014
• Пераможца Лігі Еўропы (2): 2012, 2018
• Уладальнік Суперкубка УЕФА (2): 2012, 2018

Міжнародныя

Іспанія:

• Чэмпіён Еўропы: 2012

Крыніцы

1. Juanfran // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. JUANFRAN juan francisco torres belen // Argentine Soccer Database
   <a href="https://wikidata.org/wiki/Track:Q19368470"></a>
3. Хуанфран объявил об уходе из «Атлетико». Он был в клубе 8 лет. by.tribuna.com.
4. Хуанфран подписал контракт с «Сан-Паулу». Туда перешел Дани Алвес. by.tribuna.com.

Спасылкі

• На Вікісховішчы ёсць медыяфайлы па тэме Хуанфран Торэс