Чан Ван Куанг

Чан Ван Куанг
Дата нараджэння	1917
Месца нараджэння	Нгілок^[d], Нгеан^[d], В’етнам
Дата смерці	3 лістапада 2013(2013-11-03)[1]
Месца смерці	Ханой, В’етнам
Грамадзянства	В’етнам
Прыналежнасць	В’етнамская народная армія
Гады службы	1945—1995
Званне	старшы генерал-лейтэнант
Бітвы/войны	Індакітайская вайна, Вайна ў В’етнаме
Узнагароды і званні

Чан Ван Куанг, альбо Тран Ван Куанг (в’етн.: Trần Văn Quang; 1917 — 3 лістапада 2013) — старшы генерал-лейтэнант В’етнамскай народнай арміі, удзельнік Індакітайскай і В’етнамскай войнаў. У розны час займаў пасады палітычнага камісара 4-й ваеннай зоны, начальніка дэпартамента аперацый, намесніка начальніка Генштаба, камандуючага 678-м армейскім корпусам, намесніка міністра абароны і кіраўніка Асацыяцыі ветэранаў В’етнама.

Імя пры нараджэнні — Чан (Тран) Тхук Кінх (в’етн.: Trần Thúc Kính).

Біяграфія

Нарадзіўся ў 1917 годзе ў камуне Нгі Хоа аднайменага раёна правінцыі Нгеан.

У 1936 годзе ўступіў у Камуністычную партыю Індакітая. З 1938 па 1939 гады быў членам партыйнага камітэта Сайгон-Чалон. У 1939 годзе арыштаваны французскімі ўладамі. У кастрычніку 1940 года збег з турмы, але ў красавіку 1941 года злоўлены і прысуджаны да пажыццёвага зняволення^[2].

У чэрвені 1945 года быў вызвалены з турмы і ўступіў у правінцыйны камітэт паўстання Нгеаня. У 1946 годзе прызначаны на пасаду палітычнага камісара камандавання ваеннай абароны. У лістападзе 1946 года стаў палітычным камісарам 4-й ваеннай зоны.

З 1948 па 1949 гады займаў пасаду камандзіра і палітычнага камісара падраздзялення Бінь-Тры-Тхіен. У маі 1950 года прызначаны палітычным камісарам 304-га батальёна^[3].

У 1953 годзе заняў пасаду дырэктара Дэпартамента аперацый Генеральнага штаба, у першую чаргу адказваючы за кампанію ў Д’енб’енфу.

У 1958 годзе стаў намесніка начальніка Генеральнага штаба В’етнамскай народнай арміі і дырэктарам Аператыўнага ўпраўлення^[4]. У 1961 годзе накіраваны ў Паўднёвы В’етнам, дзе служыў пры цэнтральным аддзеле. У 1965 годзе стаў камандуючым IV ваеннай акругай; у 1966—1973 гг. — камандуючы і палітычны камісар ваеннай акругі Тры-Тхіен, а таксама сакратар партыйнага камітэта Тры-Тхіен-Хюэ.

У 1974 годзе пераведзены на пасаду намесніка начальніка Генштаба. З 1978 па 1981 гады быў камандуючым 678-й арміі і палітычным камісарам В’етнамскай добраахвотніцкай арміі ў Лаосе^[5].

У 1981 годзе быў прызначаны намеснікам міністра нацыянальнай абароны, а ў 1984 годзе даслужыўся да старшага генерал-лейтэнанта.

З 1992 па 2002 год быў прэзідэнтам Асацыяцыі ветэранаў В’етнама.

Памёр 3 лістапада 2013 года ў Ханоі.

Сям’я

Самым уплывовым братам быў рэвалюцыйны актывіст Тран Ван Кунг (1906—1977), першы сакратар першай камуністычнай ячэйкі ў В’етнаме (Дом 5Д, вуліца Хэм Лонг). Іншы яго брат, Тран Тхук Вінь (Тран Ван Туй; 1910—1993), быў начальнікам упраўлення кампаніі грамадскай бяспекі Ха Цінь. Яшчэ адзін, Тран Ван Бань, служыў у в’етнамскай арміі і даслужыўся да звання палкоўніка.

Узнагароды

• Залатая Зорка^[6]
• Ордэн Ха Шы Міна
• Ордэн Ваенных заслуг I ступені
• Медаль Перамогі I ступені
• Ордэн Супраціву I ступені^[7]

Зноскі

1. Tổ chức trọng thể lễ tang Thượng tướng Trần Văn Quang
2. «Thượng tướng Trần Văn Quang, những câu chuyện kể bên lề Ðại hội.» Song Hà, Báo Nhân dân. Cập nhật lúc 10:39, Thứ tư, 09/02/2011 (GMT+7). Lưu trữ 22/10/2012. Truy cập 12/11/2013. archive
3. Sắc lệnh số 67-SL ngày 14/5/1950 của Chủ tịch Nước Việt Nam Dân chủ Cộng hòa. Архівавана 2 мая 2017. Truy cập ngày 13 tháng 6 năm 2013.
4. Sắc lệnh số 64-SL ngày 22/4/1958 của Chủ tịch Nước Việt Nam Dân chủ Cộng hòa. Архівавана 4 сакавіка 2016. Truy cập ngày 13 tháng 6 năm 2013.
5. Hợp tác toàn diện Việt — Lào Quân đội nhân dân Việt Nam Truy cập ngày 13 tháng 6 năm 2013
6. «Trao tặng, truy tặng Huân chương cho cán bộ quân đội.» Архівавана ngày 12 tháng 11 năm 2013. Lê Huy Nam, Đài Tiếng nói Việt Nam. Cập nhật lúc: 17:04, 19/08/2009. Truy cập ngày 13 tháng 6 năm 2013.
7. Th­ượng tướng Trần Văn Quang từ trần Архівавана ngày 7 tháng 11 năm 2013. VOV Cập nhật lúc: 18:54, 06/11/2013