Чарнагора

Чарнагора
Медыяфайлы на Вікісховішчы

Чарнагора (укр.: Чорногора) — горны масіў Усходніх Карпат, да якога належыць Гаверла (2061 м) — найвышэйшы пункт Украіны.

Знаходзіцца ў межах Закарпацкай і Івана-Франкоўскай абласцей. Цягнецца на 40 км паміж далінамі рэк Чорная Ціса, Белая Ціса і Чорны Чэрэмош.

Чарнагора — крутасхілае сярэднягор’е, над якім узнімаюцца вяршыні галоўнага хрыбта. Складаецца пераважна з флішу, месцамі маюцца выхады вулканічных парод. Схілы глыбока рассечаныя, у верхняй частцы выражаны альпійскі рэлеф з ледавіковымі формамі (карамі, трогамі, цыркамі). Пашыраны каменныя асыпкі.

Схілы ўкрыты яловымі і букавымі лясамі, на вяршынях — паланіны.

Аб’ект турызму.

Літаратура

• Г. П. Міллер. Чорногора // Географічна енциклопедія України: [в 3 т.] / редкол.: О. М. Маринич (відповід. ред.) та ін. Т. 3. — К.: Українська енциклопедія ім. М. П. Бажана, 1993. (укр.)