Часночніца чаранковая

Часночніца чаранковая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Капустакветныя Сямейства:  Капуставыя Трыба:  Thlaspideae Род:  Часночніца Від:  Часночніца чаранковая
Міжнародная навуковая назва
Alliaria petiolata (M. Bieb.) Cavara & Grande, 1913
Сінонімы
Alliaria officinalis Andrz. ex M. Bieb. Arabis petiolata M. Bieb. (basionym) Erysimum alliaria L. Sisymbrium alliaria (L. Scop.)
Сістэматыка на Віківідах Выявы на Вікісховішчы ITIS   184481 NCBI   126270 EOL   596346 GRIN   t:2210 IPNI   1176324-2 TPL   kew-2628680

Часно́чніца чаранковая, Часночнік лекавы^[3] (Alliaria petiolata) — кветкавая расліна роду Часночніца (Alliaria) сямейства Капуставыя (Brassicaceae).

Батанічнае апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Двухгадовая травяністая расліна вышынёю 20—100 см з пахам часнаку. Сцёблы адзіночныя, простыя або галінастыя, унізе апушаныя. Ніжняе лісце доўгачаранковае, ныркападобнае, выемчата-гародчатае, сярэдняе — сэрцападобнае, верхняе — сядзячае, трохвугольнае, зубчастае. Кветкі белыя, у гронках. Плод — стручок.

Арэал

Пашырана ў Еўразіі і Паўночнай Афрыкі (Марока)^[4]. Натуралізавалася на тэрыторыі Паўночнай Амерыкі і Аргенціны^[4]. На тэрыторыі Беларусі трапляецца ў вільготных месцах, у лясах, сярод хмызняку, у агародах, па ярах. Ценевынослівая расліна, мезафіт і эўтроф (нітрафіл)^[5].

Ахоўваецца ў Латвіі і шэрагу рэгіёнаў Расіі^[5].

Выкарыстанне

Харчовая, лекавая расліна. Часночніца чаранковая спажываецца як прыправа (замест часнаку); лісце мае вітамін C, насенне — да 30 % алею.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 12. — 160 с. — 2 350 экз.
4. Taxon: Alliaria petiolata (M. Bieb.) Cavara & Grande (англ.) // Germplasm Resources Information Network (GRIN-Taxonomy)
5. Чесночница черешковая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

• Часночніца // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).
• Семярэнка Л. В. Часночніца // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 329—330. — 583 с., іл. — 10 000 экз.

Спасылкі

• Чесночница черешковая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Alliaria petiolata (M. Bieb.) Cavara & Grande // ИАС «ООПТ России» (руск.)