Чатні

Чатні (хіндзі: चटनी, англ.: Chutney) — вялікая група традыцыйных індыйскіх соусаў, якія адцяняюць смак асноўнай стравы. Вострыя чатні добра дапаўняюць нявострыя стравы, а таксама сваім яркім колерам упрыгожваюць стол.

Вараныя чатні часам робяць з гародніны, але часцей — з садавіны. На іх прыгатаванне сыходзіць даволі шмат часу, бо кампаненты варта варыць, пакуль яны цалкам не разварацца. Волкія чатні гатуюць, змешваючы паміж сабой кампаненты і здрабняючы іх у аднастайную пасту.

Чатні звычайна салодкія і прыемныя на смак. Яны ўзбуджаюць апетыт і стымулююць страваванне. Каб адцяніць смак асноўнай стравы, дастаткова адной-двух лыжак чатні, якія падаюць у маленькіх разетках або кладуць на талерку побач з рысам.

Чатні з’яўляюцца абавязковым дадаткам да такіх страў, як пані пуры, ідлі і доса.

Аднымі з найбольш папулярных у Індыі чатні з’яўляюцца тамарындавае, какосавае, мятнае і арахісавае чатні. Аднак відаў чатні існуе значна больш. У іх склад можа ўваходзіць практычна заўгодна з расліннай (і не толькі ежы): разынкі, баклажан, салёныя агуркі, рабарбар, часнык, рэпчатая цыбуля, каляндра / кінза, а таксама, напрыклад, ёгурт і калье.

Пры гэтым толькі ў Індыі (чатні распаўсюджаны таксама на Шры-Ланцы і ў Пакістане) варыяцыі чатні моцна адрозніваюцца па розных штатах.