Чыўаўа (пустыня)

Чыўаўа^?
англ.: Chihuahuan Desert ісп.: Desierto de Chihuahua
Каардынаты: прапушчана даўгата Каардынаты: прапушчана шырата
Медыяфайлы на Вікісховішчы

Чыўаўа (англ.: Chihuahuan Desert; ісп.: Desierto de Chihuahua) — пустыня ў Паўночнай Амерыцы, размешчаная ў раёне амерыкана-мексіканскай мяжы на тэрыторыі амерыканскіх штатаў Нью-Мексіка, Тэхас (на захад ад ракі Пекас) і Арызона (паўднёва-ўсходняя частка), а таксама мексіканскіх штатаў Чыўаўа, Кааўіла, Дуранга (паўночна-заходняя частка), Сакатэкас (маленькая частка на поўначы) і Нуэва-Леон (маленькая частка на захадзе).

Плошча — 362,6 тыс. км² (3-я па памерах у Заходнім паўшар’і і 2-я ў Паўночнай Амерыцы пасля пустыні Вялікага Басейна. Пустыня ўяўляе сабой засушлівую раўніну, якая перарываецца шматлікімі горнымі градамі, мікраклімат якіх адрозніваецца ад астатняй пустыні. У складзе пустыні вылучаюць запаведнік-пустыню Уайт-Сандс (штат Нью-Мексіка).

Пустыня Чыўаўа знаходзіцца вышэй за пустыню Санора, якая размешчана на захад. Вышыня змяняецца ад 600 да 1675 метраў, што змякчае кліматычныя ўмовы ўлетку (звычайныя дзённыя тэмпературы ў чэрвені знаходзяцца ў дыяпазоне 35-40 ° C). Зімой надвор’е залежыць ад сілы паўночных вятроў. Ападкі больш багатыя, чым на поўдні Вялікага Басейна, у пустынях Санора і Махавэ, але звычайна не перавышаюць 254 мм у год, пераважна дождж ідзе ў перыяд мусона ў канцы лета. Снегу амаль няма за выключэннем вышынных частак.

На тэрыторыі пустыні размешчаны некалькі гарадоў, самы буйны з іх — горад Сьюдад-Хуарэс.