Электрахімія

Электрахімія — раздзел фізічнай хіміі, які вывучае кандэнсаваныя іонныя сістэмы і з’явы на межах паміж розна-зараджанымі фазамі.

Паводле Міжнароднага таварыства электрахіміі, электрахімія займаецца хімічнымі з’явамі, звязанымі з раздзяленнем і пераносам зарадаў, і практычна ўжываецца ў разнастайных сферах дзейнасці, ад фундаментальных даследаванняў да прамысловасці, аховы навакольнага асяроддзя і медыцыны.

Тэарэтычную аснову электрахіміі складаюць: тэорыя электралітаў, тэорыя падвойнага электрычнага слоя і тэорыя элементарнага акту пераносу электрона. Электрахімія выкарыстоўвае тэарэтычныя метады матэматычнай і квантавай хіміі з улікам спецыфікі паводзін сістэм, апарат тэарэтычнай электрадынамікі і электрастатыкі, метады статыстычнай фізікі, хімічнай тэрмадынамікі і кінетыкі.

Сучасныя даследаванні ў галіне электрахіміі дазваляюць умоўна вылучыць наступныя напрамкі яе развіцця: электрахімія межфазавай мяжы метал-электраліт, электрахімія паўправаднікоў, электрааналітычная хімія, электрахімія цвёрдых электралітаў, электракаталіз, а таксама распрацоўка электрахімічных крыніц току.

Літаратура

• Handbook of Electrochemistry / Edited by Cynthia G. Zoski. 2007. ISBN 0-444-51958-0

Спасылкі

• Electrochemistry.net
• The Electrochemical Society
• International Society of Electrochemistry (ISE)
• Electrochemistry Encyclopedia at Case Western Reserve University Архівавана 10 чэрвеня 2008.
• Electrochemistry Dictionary at Case Western Reserve University Архівавана 25 лістапада 2001. (size ~ 388KB)
• Experiments in Electrochemistry at Fun Science Архівавана 12 лютага 2009.
• Potentiodynamic Electrochemical Impedance Spectroscopy Архівавана 25 снежня 2004.
• Nanoelectrode.com News and research articles related to nanoelectrochemistry