Эрвін Ромель

У Вікіпедыі ёсць артыкулы пра іншых людзей з прозвішчам Ромель.

Эрвін Ойген Іаханес Ромель
Erwin Eugen Johannes Rommel
Мянушка	Ліс пустыні
Дата нараджэння	15 лістапада 1891(1891-11-15)
Месца нараджэння	Гайдэнгайм-ан-дэр-Брэнц, Каралеўства Вюртэмберг^[d], Германская імперыя[1]
Дата смерці	14 кастрычніка 1944(1944-10-14) (52 гады)
Месца смерці	Херлінген^[d], Трэці рэйх
Месца пахавання	Херлінген^[d]
Жонка	Lucia Maria Rommel^[d]
Дзеці	Manfred Rommel^[d]
Грамадзянства	Германская імперыя[2]  Веймарская рэспубліка  Трэці рэйх
Прыналежнасць	Германская імперыя Веймарская рэспубліка  Трэці рэйх
Род войскаў	Сухапутныя войскі
Званне	Генерал-фельдмаршал Генерал-фельдмаршал
Камандаваў	7-я танкавая дывізія Афрыканскі корпус Танкавая армія «Афрыка» Група армій «B»
Бітвы/войны	Першая сусветная вайна Другая сусветная вайна Французская кампанія Паўночнаафрыканская кампанія (1941—1943)
Узнагароды і званні	Ордэн «Pour le Mérite» Рыцарскі крыж Жалезнага крыжа з Дубовым лісцем, Мячамі і Дыяментамі Жалезны крыж 1-га класа Жалезны крыж 2-га класа Вялікі афіцэр Савойскага ваеннага ордэна (1815—1947) Ордэн Міхая Храбрага Баварскі ордэн «За ваенныя заслугі» За раненне ў срэбры Медаль «У памяць 1 кастрычніка 1938» Медаль «У памяць 22 сакавіка 1939» Крыж Ваенных заслуг, Аўстра-Венгрыя
Аўтограф
Медыяфайлы на Вікісховішчы

Э́рвін О́йген Іаха́нес Ро́мель (ням.: Erwin Eugen Johannes Rommel, 15 лістапада 1891 — 14 кастрычніка 1944) — нямецкі военачальнік часоў Трэцяга рэйха, генерал-фельдмаршал (1942) Вермахта. Кавалер Pour le Mérite (1918) і Рыцарскага крыжа Жалезнага крыжа з Дубовым лісцем, Мячамі і Дыяментамі (1943). Адзін з самых праслаўленых генерал-фельдмаршалаў нацысцкай Германіі, атрымаў вялікую павагу як сярод нямецкіх і італьянскіх салдат, так і сярод салдат праціўніка.

Біяграфія

За баявыя заслугі на італьянскім фронце Першай сусветнай вайны быў узнагароджаны ордэнам Pour le Mérite. З пачаткам Другой сусветнай вайны Эрвін Ромель бліскуча зарэкамендаваў сябе як камандзір 7-й танкавай дывізіі ў ходзе Французскай кампаніі 1940. Аднак фенаменальны поспех і сусветную славу Ромель здабыў у часы камандавання нямецка-італьянскімі войскамі ў Паўночна-Афрыканскай кампаніі, атрымаўшы імідж аднаго з самых вопытных военачальнікаў у сусветнай гісторыі па вядзенні баявых дзеянняў ва ўмовах пустыні, за што нават атрымаў мянушку «Ліс пустыні» (ням.: Wüstenfuchs, listen^ⓘ)^[3]. У 1944 годзе на Заходнім фронце ўзначальваў войскі Вермахта, якія супрацьстаялі саюзнікам падчас уварвання ў Нармандыю.

Пасля правалу мяцяжу супраць Гітлера 20 ліпеня 1944 адзін з змоўшчыкаў назваў Ромеля, хоць Ромель у змове непасрэднага ўдзелу не прымаў. Улічваючы выдатныя заслугі генерал-фельдмаршала і вялікую павагу нямецкага народа, Гітлер вырашыў прыбраць былога ўлюбёнца цішком. 14 кастрычніка 1944, па адной з версій, у абмен на гарантыі для яго сям’і, Ромель скончыў жыццё самагубствам, прыняўшы цыяністы калій. Па загадзе Гітлера Ромель, як нацыянальны герой Трэцяга рэйха, быў пахаваны з усімі воінскімі ўшанаваннямі. 18 кастрычніка 1944 — дзень яго пахавання — быў аб’яўлены днём нацыянальнай жалобы.

Заходнія саюзнікі, супраць якіх пастаянна змагаўся фельдмаршал (ён ніколі не быў на Усходнім фронце), лічылі Ромеля найгуманным і найдасведчаным ваенным прафесіяналам^[4]. Войскі яго Афрыканскага корпуса ніколі не былі абвінавачаны ў ваенных злачынствах^[5]. Абыходжанне з салдатамі праціўніка, захопленымі ім падчас баёў у Афрыцы, адпавядала нормам міжнароднага права. Акрамя таго, Ромель цалкам праігнараваў загад вышэйстаячага кіраўніцтва нацысцкай Германіі па пакаранні смерцю захопленых камандас і дэсантнікаў, а таксама ваенных і грамадзянскіх асоб яўрэйскага паходжання ўсюды, дзе генерал-фельдмаршал кіраваў вядзеннем баявых дзеянняў^[6].

Зноскі

1. http://www.historyorb.com/people/erwin-rommel
2. http://www.bbc.co.uk/history/ww2peopleswar/timeline/factfiles/nonflash/a1124993.shtml
3. Hakim, Joy (1995). War, peace, and all that jazz. New York: Oxford University Press. ISBN 978-0-19-507761-2.
4. Кох Лутц Лис пустыни. Генерал-фельдмаршал Эрвин Роммель = Rommel. Die Wandlung eines grossen Soldaten. — Ростов на Дону: Феникс, 1999.
5. AT ROMMEL’S SIDE: The Lost Letters of Hans-Joachim Schraepler Publisher: Frontline Books (September 2009) Language: English ISBN 1-84832-538-X ISBN 978-1-84832-538-8
6. Schraepler, Hans-Joachim; Schraepler, Hans-Albrecht (September 2009). At Rommel’s Side: The Lost Letters of Hans-Joachim Schraepler. London: Frontline Books. ISBN 978-1-84832-538-8.

Літаратура

• Rommel, Erwin (1979) [1937]. Attacks. Athena Press. — ISBN 0-9602736-0-3

Спасылкі

• На Вікісховішчы ёсць медыяфайлы па тэме Эрвін Ромель