Эрнан Фігерэда

Эрнан Фігерэда
Эрнан Фігерэда
Агульная інфармацыя
Поўнае імя	Эрнан Фігерэда Алонса
Нарадзіўся	15 мая 1985[…] (39 гадоў); Мантэвідэа, Мантэвідэа, Уругвай;
Грамадзянства	Уругвай
Рост	179 см
Вага	75 кг
Пазіцыя	паўабаронца
Інфармацыя пра клуб
Клуб	Дэфенсар
Нумар	18
Клубная кар’ера
2023—	Дэфенсар Спортынг (Мантэвідэа)
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 лютага 2023. ;

Эрнан Фігерэда Алонса (ісп.: Hernán Figueredo Alonzo, нар. 15 мая 1985, Мантэвідэа, Уругвай) — уругвайскі футбаліст, паўабаронца клуба «Дэфенсар Спортынг» з Мантэвідэа.

Клубная кар’ера

Выступаў у розных уругвайскіх клубах. У чэрвені 2012 года падпісаў кантракт з мінскім «Дынама», стаўшы разам з Данілам Какарам першым уругвайскім футбалістам у беларускім чэмпіянаце^[3]. Ужо 1 ліпеня 2012 года забіў свой першы гол за новы клуб, які дапамог мінскаму клубу атрымаць перамогу над БАТЭ (3:1). У далейшым замацаваўся ў аснове мінскага клуба.

У сезоне 2013 стаў лідарам мінскага клуба. Выступаючы на пазіцыі атакуючага паўабаронцы, здолеў за сезон забіць 10 галоў і стаў найлепшым бамбардзірам каманды.

Сезон 2014 распачынаў трывалым іграком асновы, але ўжо не здолеў дзейнічаць так паспяхова, як у папярэднім сезоне. У выніку ў сярэдзіне 2014 года быў выцеснены з асноўнага складу Чыгозэ Удожы і стаў з’яўляцца толькі на замену. Увосень 2014 года, дзякуючы траўме Удожы, вярнуўся ў асноўны склад.

У канцы лістапада 2014 года пакінуў «Дынама» па пагадненні бакоў^[4]. У студзені 2015 года падпісаў кантракт з калумбійскім клубам «Дэпортэс Таліма» з горада Ібагэ^[5]. У 2016 годзе вярнуўся ў Уругвай, стаўшы іграком клуба «Торке», а ў студзені 2018 года далучыўся да «Ліверпуля», дзе гуляў на працягу пяці гадоў.

У студзені 2023 года перайшоў у «Дэфенсар Спортынг».