Эрытразонус[1] (Hemigrammus erythrozonus) — від дробных прамянёвапёрых рыб сямейства харацыніды (Characidae).
Даўжыня цела да 5 см. Палавыя адрозненні: самка буйнейшая і мае больш высокае цела, чым самец. Цела паўпразрыстае, жаўтаватае[1]. Ад галавы да хваставога плаўніка ідзе ярка-чырвоная палоса. Брушка белае. Усе плаўнікі празрыстыя, спіны спераду з чырвонай палосай. Кончыкі анальнага, брушных, спіннога і хваставога — малочна-белыя[1].
У прыродзе жыве ў басейне ракі Амазонкі, у прыватнасці ў лясных вадаёмах Заходняй Гвіяны[1].
У Еўропу завезена ў 1930-я гады, у СССР — у 1960-я[1].
Утрымліваецца ў акварыуме. Стымуляцыя размнажэння — такая ж як і большасці іншых харацынідаў і звязана з сімуляцыяй сезону дажджоў. Пладавітасць 50-500 ікрынак на самку.
