Юнна Андэрсан

У Вікіпедыі ёсць артыкулы пра іншых людзей з прозвішчам Андэрсан.
Футбол
Юнна Андэрсан
Агульная інфармацыя
Нарадзілася 2 студзеня 1993(1993-01-02)[1][2] (31 год)
Грамадзянства
Рост 1,67 м
Вага 64 кг
Пазіцыя абаронца
Клубная кар’ера[* 1]
2009—2017 Лінчэпінг 114 (13)
2018—2022 Чэлсі[d] 18 (4)
2022—0000 Хамарбю
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Лагатып Вікісховішча Медыяфайлы на Вікісховішчы

Юнна Андэрсан (шведск.: Jonna Andersson; нар. 2 студзеня 1993, М’ёльбю, Эстэргётланд) — шведская футбалістка, абаронца клуба «Чэлсі» чэмпіянату Англіі і жаночай зборнай Швецыі.

Клубная кар’ера

[правіць | правіць зыходнік]

У складзе клуба «Лінчэпінг» Юнна выступала з 2009 па 2017 гады, дэбютаваўшы ва ўзросце 16 гадоў. Яна правяла 2 матчы ў дэбютным сезоне за клуб у чэмпіянаце Швецыі і выйграўшы тытул чэмпіёнкі Швецыі. Пачынаючы з сезона 2013 года, яна стала ключавым гульцом асноўнага складу клуба (раней яна выходзіла часцей на замену).

Кар’ера ў зборнай

[правіць | правіць зыходнік]

У складзе зборнай Швецыі не старэйшыя за 19 гадоў Юнна гуляла на чэмпіянаце Еўропы 2012 года ў Турцыі і стала чэмпіёнкай: у фінале супраць зборнай Іспаніі пасля 90 хвілін конт не быў адкрыты, але ў авертайме гол Малін Дыяз прынёс скандынаўскай зборнай перамогу.

20 студзеня 2016 года Юнна Андэрсан дэбютавала ў матчы за зборную Швецыі супраць зборнай Шатландыі на пазіцыі левага абаронцы: Піа Сундхагэ выклікала Юнну замест Аманды Ілестэт, якая атрымала траўму спіны. Матч завяршыўся перамогай шведак 6:0 на стадыёне «Прыярытэт Сернеке». Андэрсан згуляла на кваліфікацыйным турніры за месца на Алімпіядзе ў Рыа-дэ-Жанейра. На Алімпіядзе яна правяла ўсяго адзін матч супраць зборнай Бразіліі, які завяршыўся паразай шведак з лікам 1:5, аднак зборная Швецыі дайшла да фіналу, дзе саступіла Германіі і стала сярэбраным прызёрам летніх Алімпійскіх гульняў 2016 года.

На сусветным першынстве 2019 года, які праходзіў у чэрвені ў Францыі, Юнна ў трэцім матчы зборнай Швецыі супраць ЗША забіла мяч ва ўласныя вароты, у выніку Швецыя саступіла (0:2).

Дасягненні

[правіць | правіць зыходнік]
  • Чэмпіёнка Швецыі: 2009, 2016, 2017
  • Лепшая футбалістка 2009 года ў версіі футбольнага саюза Эстэрготланда
  • Сярэбраны прызёр летніх Алімпійскіх гульняў 2016 года

Зноскі

  1. ↑ Jonna Andersson // Soccerdonna — 2010. Праверана 9 кастрычніка 2017.
  2. ↑ а б в Andersson, Jonna Ann-Charlotte // Sveriges befolkning 2000 — Sveriges Släktforskarförbund, 2020. Праверана 7 студзеня 2022.