Юсуф Дзікеч

Юсуф Дзікеч
турэцк.: Yusuf Dikeç
Пол мужчынскі пол
Мянушка 無課金おじさん[1]
Спецыялізацыя Стральба кулявая і стралковы спорт
Нарадзіўся 1 студзеня 1973(1973-01-01) (52 гады)
Грамадзянства
Альма-матар
Рост 180 см[2]
Вага 80 кг[2]
Узнагароды і медалі
Летнія Алімпійскія гульні
Срэбра Парыж 2024 10 м, пнеўматычны пісталет, (змеш. пары)
Чэмпіянаты свету
Золата Гранада 2014 25 м, пісталет цэнтральнага бою
Золата Гранада 2014 25 м, стандартны пісталет
Бронза Гранада 2014 25 м, стандартны пісталет, каманда
Срэбра Гранада 2014 пнеўматычны пісталет, 10 м
Чэмпіянаты Еўропы
Золата Осіек 2013 25 м, стандартны пісталет
Срэбра Осіек 2013 25 м, стандартны пісталет, каманда
Золата Осіек 2013 25 м, пісталет цэнтральнага бою
Золата Осіек 2013 25 м, пісталет цэнтральнага бою, каманда
Срэбра Осіек 2013 50 м, пісталет, каманда
Срэбра Віерумякі 2012 10 м, пнеўматычны пісталет
Лагатып Вікісховішча Медыяфайлы на Вікісховішчы

Юсуф Дзікеч (турэцк.: Yusuf Dikeç; нар. 1 студзеня 1973, Гёксун) — турэцкі стралок, чэмпіён свету і Еўропы, удзельнік пяці Алімпійскіх гульняў (2008, 2012, 2016, 2020, 2024).

Біяграфія

[правіць | правіць зыходнік]

Скончыўшы школу ў Гёксуне, у 1994 годзе паступіў у жандармскае вучылішча ў Анкары, пасля заканчэння якога служыў у часцях Турэцкай жандармерыі ў Мардзіне. Выказваліся здагадкі, што, праходзячы службу ў гэты час у гэтым месцы, Дзікеч не мог не браць удзелу ў падаўленні нацыянальнага руху ў Турэцкім Курдыстане, звязаным са шматлікімі парушэннямі правоў чалавека; сам спартсмен ніяк не каментаваў гэтыя абвінавачванні[3]. У 1999—2000 гадах працягнуў прафесійную адукацыю і атрымаў званне сяржанта, затым на працягу года служыў у Стамбуле[4].

Пачаў спартыўную кар’еру ў 2001 годзе. У 2006 годзе на міжнародных гульнях вайскоўцаў у Нарвегіі ён выйграў золата ў стральбе з адвольнага пісталета.

У 2008 годзе ўпершыню выступіў на Алімпіядзе. Дзікеч выступаў у стральбе на 10 метраў з пнеўматычнага пісталета (44-е месца) і ў стральбе з пісталета на дыстанцыі 50 метраў (22-е месца).

Праз чатыры гады, у Лондане выступаў у тых жа дысцыплінах і заняў у іх 27-е і 13-е месца адпаведна.

У 2013 годзе, на чэмпіянаце Еўропы ў Осіеке Дзікеч заваяваў два асабістых і адно каманднае золата, а таксама два сярэбраныя медалі ў камандных турнірах. У тым жа годзе на хатніх Міжземнаморскіх гульнях заваяваў сярэбраны і бронзавы медалі.

11 верасня 2014 года упершыню ў кар’еры заваяваў медаль чэмпіянату свету, стаўшы сярэбраным прызёрам у стральбе з пнеўматычнага пісталета і прайграўшы толькі карэйскаму стрэлку Чын Джон Аб.

На Алімпійскіх гульнях 2024 разам са сваёй напарніцай Севал Ілайдай Тархан заваяваў сярэбраны медаль у змешаных камандных спаборніцтвах па стральбе з пнеўматычнага пісталета з 10 м, саступіўшы ў фінале камандзе Сербіі. Дзікеч атрымаў увагу ад гледачоў, страляючы без карэкціруючых лінзаў або ачкоў, з двума адкрытымі вачыма, трымаючы свабодную руку ў кішэні.

Пасля гэтага поспеху стралковы комплекс у турэцкім горадзе Мардзін быў перайменаваны ў гонар Дзікеча і яго напарніцы[5].

Крыніцы

[правіць | правіць зыходнік]
  1. ↑ “軽装で銀” トルコの射撃選手 SNSなどで話題に パリ五輪 // NHKニュース — 2024.
  2. ↑ а б Olympedia — 2006.
  3. ↑ «Я начал заниматься спортом очень поздно». Кто такой Юсуф Дикеч, ставший мемом Олимпиады // Русская служба Би-Би-Си, 6.08.2024.
  4. ↑ Astsubay Yusuf Dikeç’in başarisi // Türkiye Emekli Astsubaylar Derneği, 1.07.2013.
  5. ↑ Mersin’deki atıcılık kompleksine Yusuf Dikeç ile Şevval İlayda Tarhan’ın adı verildi // TRT Haber, 4.08.2024.

Спасылкі

[правіць | правіць зыходнік]