Японскія астравы
| Японскія астравы | |
|---|---|
| яп. 日本列島 | |
 Выгляд з космасу | |
| Характарыстыкі | |
| Колькасць астравоў | 6852 |
| Найбуйнейшы востраў | Хонсю |
| Агульная плошча | 377 973 км² |
| Найвышэйшы пункт | 3 776 м |
| Насельніцтва | 126 317 000 чал. (2019) |
| Шчыльнасць насельніцтва | 334,2 чал./км² |
| Размяшчэнне | |
| 36° пн. ш. 138° у. д.HGЯO | |
| Акваторыя | Ціхі акіян |
| Краіна | |
 Медыяфайлы на Вікісховішчы | |
Япо́нскія астравы (яп.: 日本列島, ніпон рэто) — архіпелаг у заходняй частцы Ціхага акіяна, які складаецца з 6852 астравоў (толькі 430 з іх населена) і займае плошчу 377 944 км². На тэрыторыі Японскіх астравоў месціцца дзяржава Японія. Насельніцтва - 126 351 209 чал.
Геаграфія
[правіць | правіць зыходнік]Японскія астравы ўяўляюць сабою тры буйныя астраўныя дугі, якія працягнуліся ад праліва Лаперуза на поўначы да невялікага архіпелага Сакісіма ў групе Рукю на поўдні. Агульная працягласць - 2896,27 км. Найбольшым па плошчы з'яўляецца востраў Хонсю (Хонда), які займае 227 962,59 км². Іншыя буйныя астравы — Хакайда (83 500 км²), Кюсю (35 640 км²), Сікоку (18 803,68 км²).
Японскія астравы пачалі фарміравацца ў выніку субдукцыі (напаўзання) тэктанічных пліт прыкладна 700 - 500 млн. гадоў таму. Працэс фарміравання працягваецца да нашага часу, суправаджаецца сталымі вулканічнымі вывяржэннямі і адкладаннямі асадкавых парод. 75% плошчы астравоў займаюць горы. Самая высокая — вулкан Фудзіяма (3776 м) на востраве Хонсю. На гэтым жа востраве месціцца самая буйная нізіна (17 000 км²). Астравы знаходзяцца ў сейсманебяспечнай зоне (гл. Сейсмічныя хвалі) Зямлі. Тут часта здараюцца землятрусы.
На самым поўдні Японіі існуюць атолы Мінаміторы і Акінаторы каралавага паходжання, аднак іх не заўсёды далучаюць да Японскага архіпелага.
Спіс астравоў
[правіць | правіць зыходнік]Ніжэй у табліцы пералічаны найбольш важныя астравы і астраўныя групы Японіі:
| Назва | Плошча, км² | Геаграфічныя каардынаты |
|---|---|---|
| Хонсю | 227 962,59 | 36°18′45″ пн. ш. 138°44′15″ у. д.HGЯO |
| Садо | 855,26 | 38°02′23″ пн. ш. 138°22′47″ у. д.HGЯO |
| Хакайда | 83 500 | 43°04′ пн. ш. 141°54′ у. д.HGЯO |
| Сікоку | 18 803,68 | 33°45′ пн. ш. 133°30′ у. д.HGЯO |
| Кюсю | 35 640 | 33°00′ пн. ш. 131°00′ у. д.HGЯO |
| Цусіма | 696,3 | 34°25′00″ пн. ш. 129°19′37″ у. д.HGЯO |
| Ікі | 138,5 | 33°47′ пн. ш. 129°43′ у. д.HGЯO |
| Рукю | 4 642,11 | 26°30′ пн. ш. 128°00′ у. д.HGЯO |
| Ідзу¹ | 303,39 | 34°44′ пн. ш. 139°24′ у. д.HGЯO |
| Агасавара¹ | 73 | 27°10′ пн. ш. 142°12′ у. д.HGЯO |
| Кадзан¹ | 30 | 24°46′ пн. ш. 141°18′ у. д.HGЯO |
| Окі | 346,1 | 36°09′ пн. ш. 133°10′ у. д.HGЯO |
| Хекура | 0,55 | 37°51′00″ пн. ш. 136°55′04″ у. д.HGЯO |
| Рэбун | 80 | 45°21′ пн. ш. 141°01′ у. д.HGЯO |
| Рысіры | 182,11 | 45°11′ пн. ш. 141°15′ у. д.HGЯO |
| Акусіры | 142,97 | 42°08′57″ пн. ш. 139°28′02″ у. д.HGЯO |
| Ягісіры | 5,34 | 44°26′ пн. ш. 141°24′ у. д.HGЯO |
| Тэўры | 5,5 | 44°25′ пн. ш. 141°18′ у. д.HGЯO |
¹Часам аб'ядноўваюцца ў групу астравоў Нампо
Насельніцтва
[правіць | правіць зыходнік]Японскі архіпелаг — адно з самых шчыльна населеных месцаў на Зямлі. Паводле ацэнкі 2013 г., на ім жыло 127 253 075 чал. (334,5 чал./км²). Этнічны склад насельніцтва амаль аднародны. 99,4% ад усіх насельнікаў Японіі — гэта карэнныя жыхары, японцы. Карэнным этнасам Хакайда таксама з'яўляюцца айны. На астравах Агасавара жывуць еўрапейска-палінезійскія крэолы. Невялікую частку гарадскога насельніцтва прадстаўляюць выхадцы з іншых краін, пераважна карэйцы.
Галерэя
[правіць | правіць зыходнік]-
Япо́нскія астравы -
Узбярэжжа вострава Хакайда -
Вулканічны хрыбет на востраве Кюсю -
Кратэрнае возера на востраве Хонсю -
Пейзаж на востраве Сікоку -
Штучныя астравы ў Такійскім заліве
.JPG)
