Яўген Уладзіміравіч Яблонскі

У Вікіпедыі ёсць артыкулы пра іншых людзей з прозвішчам Яблонскі.
Футбол
Яўген Яблонскі
Агульная інфармацыя
Поўнае імя Яўген Уладзіміравіч Яблонскі
Нарадзіўся 10 мая 1995(1995-05-10)[1][2][…] (29 гадоў)
Грамадзянства  Беларусь
Рост 182 см
Вага 82 кг[3]
Пазіцыя паўабаронца
Інфармацыя пра клуб
Клуб Грэцыя Астэрас
Нумар 5
Клубная кар’ера[* 1]
2012—2021 Беларусь БАТЭ (Барысаў) 181 (10)
2022—2023 Рэспубліка Кіпр Арыс (Лімасол) 40 (0)
2024— Грэцыя Астэрас (Трыпаліс) 1 (0)
Нацыянальная зборная[* 2]
2013 Беларусь Беларусь (да 19) 3 (0)
2014—2016 Беларусь Беларусь (да 21) 28 (3)
2019— Беларусь Беларусь 34 (3)
Узнагароды і медалі
Дзяржаўныя і ведамасныя ўзнагароды
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 студзеня 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 28 сакавіка 2024
Лагатып Вікісховішча Медыяфайлы на Вікісховішчы

Яўген Яблонскі (нар. 10 мая 1995, Чэрвень) — беларускі футбаліст, паўабаронца грэчаскага клуба «Астэрас» з Трыпаліса і нацыянальнай зборнай Беларусі.

Клубная кар’ера

[правіць | правіць зыходнік]

Пачаў займацца футболам у чэрвенскай ДЮСШ. Пазней перабраўся ў мінскую школу «Змена», адтуль — у Барысаўскае дзяржаўнае абласное вучылішча алімпійскага рэзерву. З лета 2012 года пачаў выступаць за дубль барысаўскага БАТЭ. У сезоне 2013 стаў адным з асноўных ігракоў дубля.

29 чэрвеня 2014 года дэбютаваў у асноўнай камандзе БАТЭ, выйшаўшы ў стартавым складзе ў матчы з «Белшынай». У першым жа матчы ў аснове адзначыўся галявой перадачай. У кастрычніку 2014 года ўжо трывала замацаваўся ў цэнтры паўабароны барысаўскага клуба. 27 кастрычніка 2014 года забіў свой першы гол у чэмпіянаце Беларусі (у браму жодзінскага «Тарпеда-БелАЗ»).

У лютым 2015 года падоўжыў кантракт з барысаўчанамі[4]. У 2015—2016 гадах трывала гуляў у асноўнай камандзе, у сезоне 2016 часам выкарыстоўваўся на пазіцыі цэнтральнага абаронцы. У сезоне 2017 спачатку гуляў у стартавым складзе барысаўчан у якасці цэнтральнага абаронцы, пазней страціў месца ў аснове. У сезоне 2018 вярнуў месца ў стартавым складзе.

У снежні 2018 года падпісаў новы кантракт з БАТЭ[5]. У сезоне 2019 замацаваўся ў якасці аднаго з асноўных ігракоў каманды. У верасні 2019 года падоўжыў пагадненне з клубам[6]. У 2020—2021 гадах заставаўся трывалым іграком стартавага складу, дапамагаў барысаўчанам выйграць сярэбраныя медалі чэмпіянату і два Кубка Беларусі, у сезоне 2021 быў прызнаны найлепшым паўабаронцам чэмпіянату Беларусі.

У студзені 2022 года па заканчэнні кантракта пакінуў барысаўскі клуб[7] і ў хуткім часе падпісаў пагадненне на 2,5 гады з кіпрскім «Арысам»[8]. У «Арысе» рэгулярна з’яўляўся на полі, чаргаваў выхады ў стартавым складзе і на замену. Па выніках сезона 2022/23 разам з камандай стаў чэмпіёнам Кіпра. Пакінуў «Арыс» у ліпені 2023 года[9], пасля чаго паўгады заставаўся без клуба.

У студзені 2024 года стаў іграком грэчаскага «Астэраса»[10].

Міжнародная кар’ера

[правіць | правіць зыходнік]

25 студзеня 2014 года дэбютаваў у моладзевай зборнай Беларусі ў матчы супраць Казахстана на Кубку Садружнасці ў Санкт-Пецярбургу. Пазней замацаваўся ў якасці асноўнага апорнага паўабаронцы зборнай, правёў за яе 28 матчаў і забіў 3 гола.

6 верасня 2019 года дэбютаваў у нацыянальнай зборнай Беларусі, адгуляўшы ўсе 90 хвілін у адборачным матчы чэмпіянату Еўропы супраць Эстоніі.

Палітычныя погляды

[правіць | правіць зыходнік]

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля здушэння народных пратэстаў у 2020 годзе[11].

Дасягненні

[правіць | правіць зыходнік]

Крыніцы

[правіць | правіць зыходнік]
  1. ↑ Evgeni Yablonski // Transfermarkt — 2000. Праверана 9 кастрычніка 2017.
  2. ↑ Evgeni Yablonski // FBref
  3. ↑ https://int.soccerway.com/players/-/318755/
  4. ↑ Сороко, Яблонский и Климович продлили контракты с БАТЭ (руск.). football.by (24 лютага 2015). Праверана 18 студзеня 2024.
  5. ↑ Евгений Яблонский подписал новый контракт с БАТЭ (руск.). football.by (27 снежня 2018). Праверана 18 студзеня 2024.
  6. ↑ БАТЭ продлил контракт с Евгением Яблонским (руск.). football.by (19 верасня 2019). Праверана 18 студзеня 2024.
  7. ↑ Евгений Яблонский покинул БАТЭ (руск.). football.by (20 студзеня 2022). Праверана 18 студзеня 2024.
  8. ↑ Евгений Яблонский стал игроком "Ариса" (руск.). football.by (24 студзеня 2022). Праверана 18 студзеня 2024.
  9. ↑ Евгений Яблонский покинул "Арис" (руск.). football.by (12 ліпеня 2023). Праверана 18 студзеня 2024.
  10. ↑ Евгений Яблонский стал игроком греческого "Астераса" (руск.). football.by (4 студзеня 2024). Праверана 18 студзеня 2024.
  11. ↑ Подписи. Праверана 8 снежня 2020.