Яўген Юр’евіч Клапоцкі

Футбол
Яўген Клапоцкі
Поўнае імя Яўген Юр’евіч Клапоцкі
Нарадзіўся 12 жніўня 1993(1993-08-12)[1][2] (31 год)
Грамадзянства  Беларусь
Рост 187 см
Вага 77 кг
Пазіцыя абаронца
Інфармацыя пра клуб
Клуб завяршыў кар’еру
Клубная кар’ера[* 1]
2011—2015 Беларусь Дынама (Брэст) 68 (2)
2016—2017 Беларусь Тарпеда-БелАЗ (Жодзіна) 37 (1)
2018—2020 Беларусь Віцебск 57 (5)
2021 Беларусь Рух (Брэст) 0 (0)
Нацыянальная зборная[* 2]
2011 Беларусь Беларусь (да 19) 3 (1)
2012—2014 Беларусь Беларусь (да 21) 25 (1)
2017 Беларусь Беларусь B 2 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 14 верасня 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 1 снежня 2017

Яўген Клапоцкі (нар. 12 жніўня 1993, Брэст) — беларускі футбаліст, абаронца.

Клубная кар’ера

[правіць | правіць зыходнік]

Выхаванец брэсцкага футбола, з 2011 года гуляў за асноўны склад брэсцкага «Дынама». У красавіку 2013 года, пасля зыходу з клуба Віталя Гайдучыка, стаў асноўным цэнтральным абаронцам і капітанам брэсцкага клуба[3]. У ліпені 2013 атрымаў траўму, з-за якой прапусціў тры месяцы. Вярнуўся на поле ў кастрычніку 2013 года і зноў замацаваўся ў асноўным складзе.

У пачатку 2014 года капітанства ў камандзе перайшло да Рамана Васілюка, але Клапоцкі застаўся асноўным цэнтральным абаронцам. Аднак, у чэрвені 2014 года атрымаў чарговую траўму і выбыў да канца сезона. У лютым 2015 года падоўжыў кантракт з «Дынама»[4]. У маі 2015 года зноў атрымаў траўму, а пасля аднаўлення ў верасні быў пераведзены ў дубль[5]. У снежні 2015 года з-за даўгоў «Дынама» перад футбалістам БФФ надаў Клапоцкаму статус свабоднага агента[6].

У лютым 2016 года пасля прагляду падпісаў кантракт з «Тарпеда-БелАЗ»[7]. У складзе жодзінскага клуба неўзабаве замацаваўся ў якасці асноўнага цэнтральнага абаронцы. Дапамог камандзе выйграць Кубак Беларусі 2016, забіўшы пераможныя мячы ў чвэрцьфінале супраць мінскага «Дынама» і паўфінале супраць «Мінска». 14 ліпеня 2016 года трапным ударам са штрафнога прынёс «Тарпеда-БелАЗ» гасцявую перамогу над «Дэбрэцэнам» у Лізе Еўропы (2:1). Дзякуючы паспяховай гульні за жодзінскі клуб стаў выклікацца ў нацыянальную зборную Беларусі, хоць у 2016 годзе так і не дэбютаваў за яе.

У студзені 2017 года падоўжыў пагадненне з жодзінцамі[8]. У сезоне 2017 з’яўляўся на полі нерэгулярна, чаргуючыся ў складзе з іншымі футбалістамі. Па заканчэнні сезона ў лістападзе 2017 года пакінуў «Тарпеда-БелАЗ»[9].

У лютым 2018 года стаў іграком «Віцебска»[10], дзе замацаваўся ў асноўным складзе. У другой палове 2019 года не гуляў з-за траўмы, пасля вярнуўся ў склад.

У студзені 2021 года пакінуў «Віцебск»[11] і неўзабаве падпісаў кантракт з брэсцкім «Рухам»[12]. Аднак, з-за траўмы так і не згуляў за брэсцкую каманду. У снежні 2021 года па пагадненні бакоў пакінуў «Рух»[13].

У верасні 2022 года стала вядома, што Клапоцкі завяршыў кар’еру і стаў працаваць трэнерам у юнацкай камандзе брэсцкага «Дынама»[14].

Міжнародная кар’ера

[правіць | правіць зыходнік]

Гуляў за моладзевую зборную Беларусі. У яе складзе ў студзені 2014 выступаў на Кубку Садружнасці, дзе дапамог зборнай Беларусі заняць трэцяе месца (забіў 3 галы на турніры).

У 2016 годзе прыцягваўся да збораў нацыянальнай зборнай Беларусі, але так і не згуляў за яе. У ліпені 2017 года выступаў за другую зборную Беларусі на Кубку Караля ў Тайландзе.

Дасягненні

[правіць | правіць зыходнік]

Зноскі

  1. ↑ Evgeni Klopotskiy // Transfermarkt — 2000. Праверана 9 кастрычніка 2017.
  2. ↑ Yevgeniy Klopotskiy // FBref
  3. ↑ Острый диалог «Динамо» и болельщиков Архівавана 17 чэрвеня 2013.
  4. ↑ Клопоцкий, Щербо, Нечаев и Соловей продлили контракты с брестским "Динамо"
  5. ↑ Клопоцкий отправлен в дубль брестского «Динамо» и, скорее всего, покинет команду
  6. ↑ Клопоцкий и Шемрук стали свободными агентами
  7. ↑ Евгений Клопоцкий подписал контракт с "Торпедо-БелАЗ"
  8. ↑ Клопоцкий продолжит карьеру в Жодино
  9. ↑ Девять футболистов покинули "Торпедо-БелАЗ"
  10. ↑ «Витебск» подписал контракты с Фурланом и Клопоцким
  11. ↑ Клопоцкий покинул "Витебск"
  12. ↑ "Рух" объявил о подписании Клопоцкого
  13. ↑ Евгений Клопоцкий и Виллиам покинули "Рух"
  14. ↑ Евгений Клопоцкий принимает юношескую команду брестского "Динамо"