Cenéh wadon (hurup Arab Gundul: چنيه وادون; Inggris: misogyny /mɪˈsɒdʒɪni/) entu cenéh, penglèngosan, atawa sanaan nyang kaga' ngènakin wadon atawa cèwè'. Ni atu bentuk gencèt jenis (sexism) nyang pèngènnya poko'nya wadon pepes di bawahnya lanang punya derajat di masarakat. Istilah kata, ni orang pèngèn ngeja tetep ada kekuasalanangan (patriarki). Cenéh wadon mah udah ada semprakan rèbuan tahon. Bisa ketempo' dah tu di seni, sastra, tata masarakat, kejadian sejarah, tahayul, pilsapat, èn agama di antéro dunia.