Kewarganegaraan (hurup Arab Gundul: کورݢانݢاراءن) ièlah ubungan hukum antara orang ama negara. Biasanya mah, negaranya entu tempat di mana orang brojol, tinggal, nyang dia dukung, ama tempat dia dapet perlindungan. Orang galibnya jadi warga negara di negara di mana dia brojol, cuman bisa aja orang ngongsogin naturalisasi atawa pengwarganegaraan bakal jadi warga negara di laèn negara. Ada negara nyang ngeboléin kewarganegaraan rangkep, ada juga' nyang kadanan.