Mesigit Istiklal (hurup Arab Gundul: مسيݢت استقلال) atawa Mesjid Istiklal (hurup Arab Gundul: مسجد استقلال; Arab: مسجد الاستقلال, latènnya: Masjid al-Istiqlāl, lèt. 'Mesigit Merdéka') nya'entu mesigit sional negara Kiblik Indonésia nyang adanya di sintrem ibu negeri Jakarta nyang imam gedénya nya'entu Tuan Prof. Dr. Nasuddin Umar, M.A èn Hop Badan Penglakon Penggolangan (Badan Pelaksana Pengelolaan) Mesigitnya sekarang Tuan K.H. Muhammad Muzammil Basyuni. Pembikinan ni mesigit dimula-mula ama Persidèn Kiblik Indonésia nyang entu témpo Tuan Ir. Soekarno. Penarohan batu pertamanya, bakal jadi tenger mulainnya pengejaan ni Mesigit Istiqlal dilakonin ama Ir. Soekarno juga' ari bulan 24 Agustus tahon 1951. Adapun tukang rancang gedongnya ni Mesigit Istiqlal nya'entu Tuan Frederich Silaban, orang Serani Protèstan.
Ni mesigit juga' mesigit paling gedé seantéro Asia Kidul-wètan.