Rahim
Rahim (hurup Arab Gundul: رحم; basa kedoktorannya: uterus) atawa pepuju (hurup Arab Gundul: ففوجو) entu organ perjimaan wadon nyang utama di banyak héwan nété', masup juga' manusia. Atu ujungannya ièlah lèèr rahim, nyang ngebuka ke dalemnya parji, èn ujung atunya nyang rada onggaran, nyang dianggep awak rahim, disambung di kedua sisi ama gelondong telor. Rahim bisa bentuknya ama ukurannya macem-macem begantung di mahluk idup nyang mana. Di orang, bentukah kaya' buah pir èn sembabad ama telor ayam. Berapa mahluk idup kaya' kucing ama babi, serènta laèn-laèn jenis héwan makan daging gableg rahim dua pangkèng.