Sènggètan (hurup Arab Gundul: سڠݢيتن; Inggris: link) entu patokan dalem dokumèn tèks tinggi ke dokumèn nyang laèn atawa sumber nyang laèn. Poko'nya kaya' tukilan dalem tulisan. Digabregin ama jaringan data èn surup ama tata cara aksès, kumpiuter bisa diminta' bakal ngedapetin sumber nyang diparanin.
Ada berapa cara (pormat) bakal nampilin sènggètan di halaman jala. Atu sènggètan ketanem (embedded link) entu salah atu deri berapa cara nyang paling lumbrah dipaké: atu atawa lebi kata-kata nyang maké setil tèks husus.
Kata sènggètan dipilih bakal nerjemahin link, sebab penggambarannya entu sama-sama kanggo nyènggèt atu jujuan. Biasanya, sènggètan beneran dipaké bakal nyènggèt—misal—buah deri puun, medu kaya' link nyang kanggo nyènggèt atu halaman jujuan. Mangkanya, ni kata dipaké bakal terjemahan link dalem telampangan (interface) basa Betawi.