Sétan mulut besèt

Tampang sétan mulut besèt

Sétan mulut besèt (hurup Arab Gundul: شيطان مولت بسيت) atawa kuchisakè'onna (basa Nipong: 口裂け女; transliterasi kucisakè onna; hurup Arab Gundul: کوچيساکى اوننا) entu atu sétan dalem tahayul orang Nipong. Enni pejajaran wujudnya entu kaya wadon nyang mulutnya besèt ampé nyampé kuping kiri-kanan. Enni sétan bakal maké masker bedah èn sering nongol di jalanan nyang sepi kaga' orangnya.

Kalo ngiat ke tahayulnya, enni sétan bakal nanyain orang apa dia geulis apa kaga'. Kalo entu orang jawab kaga' atawa jengker gara-gara deleng mukanya nyang serem, entu sétan mulut besèt bakal matiin entu orang dengen cara ngebesèt entu orang punya mulut dengen gunting nyang dia bawa-bawa. Kalo entu orang boong dengen jawab "ya", entu sétan bakal ngintilin ampé rumanya èn bakal dibunuh juga nantinya.[1] Nah taon 1970-an, ada berapa sekolah nyang nyuruh siswa-siswinya bakal pulang beguyub atawa ditemenin ama guru bakal dia pada selamet ampé rumah.

Cara tangkal sétan mulut besèt

[permak | permak sumber]

Ada berapa cara bakal nangkal enni sétan kalo andé kata kepapagan pas lagi di jalan.[2]

  1. Pas ditanya "Apa gua cakep?" bisa jawab paké "biasa aja" atawa "ya gitu dah". Enni bikin si sétan jadi ngelamun èn ngasih waktu bakal ngibrit.
  2. Bisa juga kasih koin atawa permèn.

Ruju'an

[permak | permak sumber]
  1. ↑ "Watashi Kirei?" Legenda Kuchisake-onna akan Mulai Mengintaimu" Dibuka tanggal 26 Juni 2023
  2. ↑ "Kuchisake-onna: Wanita Bermulut Robek" Dibuka tanggal 26 Juni 2023