Uniwersitèt Brawijaya

Gambar simbol Uniwersitèt Brawijaya

Uniwersitèt Brawijaya (lèter pèndèk UB) (basa Indonésia: Universitas Brawijaya; basa Jawa: ꦈꦤꦶꦮ꦳ꦼꦂꦱꦶꦠꦱ꧀ꦧꦿꦮꦶꦗꦪ) tu uniwersitèt di Indonésia nyeng dibangun taon 1963 di Malang Kota liwat wèt menteri no.1 tanggal 5 Januari 1963. Tu tanggal terus dijadiin sènjitnya UB. Nama Brawijaya dikasi husus ama persiden Sukarna dengen ara-ara bisa kaya' Radèn Wijaya (Brawijaya I) sekaligus jadi kampus nyeng dibanggain bangsa Indonésia.[1]

Uniwersitèt Brawijaya tu kampus top di Indonésia nyeng jedogin trap nomor 5 paling mantep barengan ama Uniwersitèt Indonésia, Institut Pertanian Bogor, Uniwersitèt Gajah Mada, èn Institut Tèhnolohi Bandung nyeng didasarin ama ponten rasmi deri Kementerian Pengajian, Tèhnolohi, èn Tarbiyah Tinggi.[2] Sedeng di trap antèrobangsa, UB jedog di trap nomer 51 di Asia èn 400 dunia. UB tu hatu deri sedikitnya kampus di Indonésia nyeng ada punya indeks antèrobangsa ama QS World University Rangkings.[3]

UB gablegig empat kampus. Kampus utamanya keperna di bekulon Malang kota, Jl. Veteran, èn kampus kedua keperna di Puncak Dièng atawa dikenal jadi UB Dièng nyeng dianggo bakal tempat gerak badan "luar pangkèng" èn berapa tempat pengajain atawa kuliah.[4] Sedeng kampus ketiga keperna di Kediri Kota, Jl. Pringgodani, terahir kampus keempat keperna di Jakarta.

Sejarah

[permak | permak sumber]

1957–1960: Uniwersitèt Kotapraja Malang

[permak | permak sumber]
Gedong wicara Malang Kota dilongok deri Alun-alun bunder Malang Kota.

Awal-awal deri gedong wicara Malang kota, gagasan bakal ngeja uniwersitèt tu diomongin. Lantaran usulan deri ketua DPRD, 10 Méi 1957, diadain amprogran tokoh masarakat èn guwernemèn Malang Kota bakal ngomongin ancer-ancer bakal bikin hatu uniwersitèt bakal Kotapraja Malang.[5]

Ni uniwersitèt awalnya partikelir punya, nyeng mencrit sempragan taon 1957, nya'entu Bagèan Wèt èn Bagèan Atur Banda nyeng jadi cabang Uniwersitèt Partikelir Sawerigading, Makasar.[6] Sebagé jejeg awal dibangunnya hatu yayasan nyeng namanya Yayasan Perguruan Tinggi Malang (YPTM) dengen akte tukang notaris nomer 48 tanggal 28 Méi taon 1957. Terusannya, ni yayasan buka uniwersitèt bakal wèt èn èlmu masarakat tanggal 1 Juli 1957. Kecatet ada 104 mahasiswa nyeng ada di ni uniwersitèt èn maké pangkèng sidang gedong wicara Malang kota bakal tempat kuliah.[5][5] Selaèn tu, lantaran usaha berapa orang masarakat sèjèn dikeja juga' Yayasan Perguruan Tinggi Ekonomoi Malang (YPTEM) dengen akte tukang notaris nomor 26 tanggal 15 Agustus 1957 nyeng terusannya bangun Perguruan Tinggi Ekonomi Malang (PTEM).

Ga jau béda ama nyeng duluannya, kegiatan kuliah PTEM juga' numpang di gedong wicara Malang Kota.[5] Resminya, PTHPM diaku jadi Kotapraja Malang punya liwat wèt deri DPRD, 19 Juni 1958. Pas ulang taon ketiga PTHPM, 1 Juli 1960, diumuin bakal nganggo nama Uniwersitèt Kotapraja Malang bakal namanya. Selaèn tu, juga' diumumin kalo bakal ngeja dua bagèan anyaran. Tu ancer-ancer jadi beneran, tanggal 15 Sèptèmber 1960 dibangun Bagèan Atur Dagang. Dilanjut ama Bagèan Pertanian tanggal 10 Nopèmber 1960.[5][7]

1961–1964: Usaha dijadiin uniwersitèt negeri

[permak | permak sumber]
"Brawijaya" tu nama gelar raja Majapait, nyeng dikasi ama Persidèn Soekarno.

Ongkos jadi mas'alah utama bakal pembikinan Uniwersitèt Kotapraja Malang. Sengkilang diakuin jadi Kotapraja Malang punya, ongkos ni uniwersitèt sedayanya angger baé jadi beban yayasan. Tu punya lantaran, mangkanya ada usaha bakal dijadiin uniwersitèt negeri. Ngejuntrung UU nomer 22 taon 1961 soal uniwersitèt, ada berapa sarat nyeng kudu cenggableg, soalan jumblah terus jenis bagèan nyeng cenggableg. Mangkanya, diusahain bakal gabung ama uniwersitèt nyeng ada di Malang, nya'entu PTEM èn STKM (Sekolah Tinggi Kedokteran Malang). PTEM akur ama ni gagasan, malahan STKM masing belon bisa nerimain.[5][7]

Bakal jejegan ke arah penggabungan, Uniwersitèt Kotapraja Malang ganti nama jadi Uniwersitèt Brawijaya. Ni nama asalnya deri gelar Raja-raja Majapait nyeng jadi sejarah Nusantara di jaman kerajaan Hindu-Buda di Indonésia abad 12 ampé 15.[7] Ni nama dikasi ama Persiden Kiblik Indonésia liwat kawat nomer 258/K/61 tanggal 11 Juli 1961, dipili deri 3 alternatif nyeng diajuin, nya'entu Tumapèl, Kertanegara, èn Brawijaya. Tu nama rasmi dianggo tanggal 3 Oktober 1961, abis gabungan Yayasan Perguruan Tinggi Malang (Uniwersitèt Kotapraja Malang) dengen Yayasan Perguruan Tinggi Ekonomi Malang (PTEM) jadi Yayasan Universitas Malang, nyeng diketok akte tukang notaris nomor 11 tanggal 12 Oktober 1961.[5]

Persidèn (wayah gini disebut rèktor) Uniwersitèt Brawijaya, Dr. Doel Arnowo bareng ama pelopor deri laèn uniwersitèt ujungnya bolé kabar bakal pastinya status uniwersitèt negeri dalem amprogan tanggal 7 Juli 1962 nyeng diakurin ama Menteri PTIP, Pangdam V Brawijaya, Persidèn Uniwersitèt Airlangga, èn persidèn Uniwersitèt Jember.[5][7]

Nah abisannya, ditapin kalo Uniwersitèt Brawijaya di Malang tu cenggableg Bagèan Atur Banda, Bagèan Wèr èn Èlmu Masarakat, Bagèan Atur Negeri èn Atur Dagang, Bagèan Pertanian, serènta Bagèan Dokter Héwan èn Peternakan. Tu tap gè' misahin Bagèan Pertanian, Bagèan Dokter Héwan èn Peternakan, deri Uniwersitèt Airlangga èn dipasupinnya ke dalem Uniwersitèt Brawijaya.[5][7]

Ruju'an

[permak | permak sumber]
  1. ↑ https://ub.ac.id/id/about/
  2. ↑ "Salinan arsip". Diarsipin deri nyang asli tanggal 2018-07-23. Dipungut 2018-07-23. {{cite web}}: Unknown parameter |dead-url= ignored (|url-status= suggested) (pertulungan)
  3. ↑ https://www.topuniversities.com/where-to-study/asia/indonesia/guide#tab=0
  4. ↑ "Salinan arsip". Diarsipin deri nyang asli tanggal 2018-07-25. Dipungut 2018-07-25. {{cite web}}: Unknown parameter |dead-url= ignored (|url-status= suggested) (pertulungan)
  5. ↑ a b c d e f g h i "Salinan arsip". Diarsipin deri nyang asli tanggal 2013-09-21. Dipungut 2013-09-07. {{cite web}}: Unknown parameter |dead-url= ignored (|url-status= suggested) (pertulungan)
  6. ↑ "Sejarah". Universitas Brawijaya (dalem basa Inggris). Dipungut 2023-05-27.
  7. ↑ a b c d e https://ub.ac.id/id/about/history/