Èkonomi Indonésia entu sala atu èkonomi pasar nyang melingsat di dunia èn paling gedé se-Asia Kidul-wètan. Sebagé negara dengen pemasupan nenga-atas èn anggota G20, Indonésia dirungkunin jadi atu negara baru keindustrian. Diancer-ancer ada kali 21rb triliun rupiah selamanya tahon 2023, ni negara paling gedé èkonominya nomer 16 di dunia berales jumblah GDP èn nomor 7 berales GDP (PPP). Indonésia punya èkonomi internèt ngeranggeh 77 miliar dolar AS selamanya tahon 2022, èn diarep nglantasin 130 miliar dolar AS tahon 2025. Indonésia begantung ama pasar dalem negeri ama guwernemèn punya anggaran belajar serènta BUMN (guwernemèn sintrem gableg 141 usaha). Pengaturan ranggehan arga barang pasaran (masup juga' beras ama lèstrik) juga' gableg rol penting dalem Indonésia punya èkonomi pasar. Walakin, semprakan 1990-an, banyakan èkonominya dikukuin ama cukong-cukong Indonésia ama matskepé asing pada.