Èrluji tangan
Èrluji tangan[1] (hurup Arab Gundul: ارلوجى تاڠن) atawa erluji tangan[1] (hurup Arab Gundul: ارلوجى تاڠن) atawa horloji tangan (hurup Arab Gundul: هرلوجى تاڠن) entu pengunjuk waktu nyang dipaké di mè' tangan orang dengen tampilan waktu nyang pepes mingkin pernik. Èrluji tangan punya paèdah entu kanggo bakal ngasi unjuk waktu ama ngitung lat waktu antara dua kejadian di waktu nyang béda. Èrluji tangan galibnya gableg tiga macem jarum, nya'entu jarum jem nyang katé, jarum menit nyang rada panjangan (sedeng), èn jarum sekon nyang paling panjang. Pegèrotan pengunjukan jarum kejadian saban ngranggeh 60 skala, dimulain deri jarum sekon ke jarum menit èn deri jarum menit ke jarum jem.[2] Èrluji tangan dasarannya dikenalin selamanya abad ke-16. Lagito, semua èrluji tangan èn laèn-laèn pengunjuk waktu pada maké mesin penggerak pegerakkan manual (hand-winding). Èrluji tangan paling kolot nyang ma'lum entu Ratu Inggris Élisabèt I punya èrluji tangan pikangan Robert Dudley selamanya tahon 1571. Deri abad ke-16 entuk awal abad ke-20, èrluji tangan cuman wadon nyang maké, sedeng lanang makénya èrluji kantong.[3]