चंदन (ठेठ उच्चारण: च'नन) चाहे चंदन के लकड़ी (अंग्रेजी: Sandalwood, सैंडलवुड ) एक किसिम के लकड़ी हवे जे सैंटलम जाति (चंदन गाछ) के पौधन आ फेड सभ से मिले ला।[1] ई लकड़ी वजनदार, पियाराहूँ आ महीन कन वाली होखे ले आ बाकी महकदार लकड़ी सभ के बिपरीत एकर महक दसन साल ले बनल रहे ला। एही लकड़ी से चंदन के तेल निकालल जाला। एकरा के दुनियाँ के सभसे महँग लकड़ी मानल जाला। लकड़ी आ एकरे तेल दुनों के महक बहुत खास होखे ला आ कई सदी से ई एही खातिर एतना कीमती हवे। एकर खराब परिणाम ई बा कि बहुधा फेड के पुरहर होखे से पहिलहीं काट लिहल जाला जे एक किसिम के ओभरहार्वेस्टिंग हवे।
ई फेड़-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |