निकास (हाइड्रोलॉजी)

बहाव मात्रा या निकास बहाव (अंग्रेजी: Discharge, डिस्चार्ज) या कबो कबो ख़ाली बहाव कहि दिहल जाला, जल बिज्ञान में पानी के बहाव के आयतन के दर के कहल जाला। आसान भासा में कहल जाय त प्रति एकाई समय में केतना मात्रा पानी के बह गइल ओके "बहाव मात्रा" कहल जाला।

गणना

इकाई, जिनहन के इस्तेमाल बहाव मात्रा के बतावे खातिर होखे ला ऊ कई ठो बाड़ी, जइसे की घन मी./से. (m³/s) (cubic meters per second), घन फीट/से. (ft³/s) (cubic feet per second or cfs) आ एकड़-फीट प्रति दिन (acre-feet per day)।^[1] उदाहरण खातिर गंगा डेल्टा में गंगा के मुख्य धारा जेवना में ब्रह्मपुत्र आ मेघना भी मिल जालिन, के कुल बहाव मात्रा 38,000 m³/s (1,300,000 cu ft/s) बतावल जाले।

आम तौर पर एके नापे के तरीका बहुत आसान होला, जेह में बहाव के मात्रा (Q) धारा के क्रास-सेक्शन के क्षेत्रफल (A) आ औसत बहाव वेग के गुणनफल के बराबर होला (${\displaystyle {\bar {u}}}$), आ एकरा के लिखे के तरीका होला:

${\displaystyle Q=A\,{\bar {u}}}$

जहाँ

• ${\displaystyle Q}$ बहाव मात्रा ([L³T⁻¹]; m³/s or ft³/s)
• ${\displaystyle A}$ क्रास-सेक्शन के एरिया ([L²]; m² or ft²)
• ${\displaystyle {\bar {u}}}$ बहाव के औसत वेग बहाव वेग ([LT⁻¹]; m/s or ft/s)

संदर्भ

1. Dunne, T., and Leopold, L.B., 1978, Water in Environmental Planning: San Francisco, Calif., W.H. Freeman, pp. 257–258.