सिद्धार्थ विश्वविद्यालय

सिद्धार्थ विश्वविद्यालय
सिद्धार्थ विश्वविद्यालय के प्रशासनिक भवन
मोटो	अत्त दीपो भव (पालि)
Motto in English	Be a light unto Yourself
स्थापना	2015 (10 years ago) (2015)
प्रकार	पब्लिक राज्य विश्वविद्यालय
चांसलर	उत्तर प्रदेश के राज्यपाल
वाइसचांसलर	कविता शाह[1]
लोकेशन	सिद्धार्थ नगर, उत्तर प्रदेश, भारत 27°26′20″N 83°07′49″E / 27.4389767°N 83.1303182°E / 27.4389767; 83.1303182निर्देशांक: 27°26′20″N 83°07′49″E / 27.4389767°N 83.1303182°E / 27.4389767; 83.1303182
कैंपस	देहाती
भाषा	अंग्रेजी, हिंदी
संबद्धता	यूजीसी
वेबसाइट	suksn.edu.in
ज़ूम करे लायक नक्सा पर लोकेशन

सिद्धार्थ यूनिवर्सिटी चाहे सिद्धार्थ विश्वविद्यालय, उत्तर प्रदेश के सिद्धार्थ नगर जिला में इतिहासी महत्व के अस्थान कपिलवस्तु (पिपरहवा) में एगो स्टेट इन्वर्सिटी बाटे। ए यूनिवर्सिटी के अस्थापना जून 2015 में भइल आ वर्तमान में एकरा से लगभग 280 से बेसी कॉलेज संबद्ध बाड़े; एकरे अलावा खुद विश्वविद्यालय के कैंपस में यूजी, पीजी के पढ़ाई आ रिसर्च होखे ला।^[2] विश्विद्यालय समय समय पर बिबिध कार्यक्रम आयोजित करे ला।^[3]

एकेडमिक्स

सिद्धार्थ इन्वर्सिटी में अंडरग्रेजुएट, पोस्टग्रेजुएट आ रिसर्च के कोर्स उपलब्ध बाड़ें। एह तरीका से विश्वविद्यालय कुल चार गो फैकल्टी चला रहल बाटे।^[4]

फैकल्टी

• आर्ट फैकल्टी (कला संकाय)
• कॉमर्स फैकल्टी (वाणिज्य संकाय)
• साइंस फैकल्टी (विज्ञान संकाय)

इंफ्रास्ट्रक्चर

यूनिवर्सिटी के आपन कैंपस कपिलवस्तु नगर क्षेत्र में स्थापित बाटे। प्रशासनिक भवन, कला संकाय, वाणिज्य संकाय आ विज्ञान संकाय के आपन-आपन बिल्डिंग बाड़ी स जेह में विज्ञान संकाय के भवन के उद्घाटन जुलाई 2024 में भइल।^[5]

कैंपस में लड़िकन खातिर आनंद छात्रावास आ लड़िकिन खातिर यशोधरा छात्रावास बाटे। 2024 में नया इंटरनेशनल यूथ हास्टल के नेंई पड़ल जे पीएम उषा योजना के फंडिंग से बन रहल बाटे।^[6]

विश्वविद्यालय में तथागत अतिथि गृह (गेस्ट हाउस), संबोधि केंद्रीय पुस्तकालय, आ गौतम बुद्ध सभागार के साथे साथ 50 बेड वाला अस्पताल बाटे।

जुड़ल कॉलेज

एह इन्वर्सिटी से यूपी के छह गो जिला, जवना में महाराजगंज, सिद्धार्थनगर, संत कबीर नगर, बलरामपुर, बस्ती आ श्रावस्ती में मौज़ूद 280 से बेसी कॉलेज संबद्ध बाड़ें। ई कॉलेज पहिले गोरखपुर यूनिवर्सिटी आ अवध यूनिवर्सिटी से जुड़ल रहलें। कालेज सभ में संबद्ध गवर्नमेंट डिग्री कॉलेज, एडेड कालेज आ सेल्फ फाइनेंस कालेज सामिल बाड़ें।

संदर्भ

1. "BHU की पर्यावरण वैज्ञानिक बनीं सिद्धार्थ यूनिवर्सिटी की कुलपति: राज्यपाल ने प्रो. कविता शाह को कपिलवस्तु में 3 साल के लिए किया नियुक्त". Dainik Bhaskar (हिंदी में). 4 Jul 2024. Retrieved 3 Jan 2025.
2. University, Siddharth Nagar. "About Siddahrth University". Siddharth University Kapilvastu, Siddharth Nagar. Retrieved 3 Jan 2025.
3. "University Teachers And Students Became Aware Of Cyber Security - Siddharthnagar News - Siddharthnagar News:साइबर सुरक्षा के लिए जागरूक हुए विश्वविद्यालय के शिक्षक एवं छात्र". web.archive.org. अमर उजाला. 31 दिसंबर 2024. Archived from the original on 2024-12-31. Retrieved 2024-12-31.
4. "|:Siddharth University Kapilvastu, Siddharth Nagar:|".
5. "कुलपति ने किया विज्ञान भवन का लोकार्पण". Hindustan (हिंदी में). 1 Jul 2024. Retrieved 3 Jan 2025.
6. "सिद्धार्थ विवि में इंटरनेशनल यूथ हॉस्टल का हुआ भूमि पूजन". Hindustan (हिंदी में). 28 Nov 2024. Retrieved 3 Jan 2025.

बाहरी कड़ी

• ऑफिशियल वेबसाइट suksn.edu.in
• सिद्धार्थ विश्वविद्यालय फेसबुक पर