Binjai

Binjai adalah ngaran buah sakaligus tanaman nang mahirip mangga nang babau harum wan rasa nang manis. Buah ngini juwa dipinandui lawan ngaran lain nangkaya bin-yaa, lam-yaa (Thailand), belenu (Malaysia, beluno (Sabah), baluno, bauno, bayuno (bahasa di Filipina), binglu (Sunda), wan wani (Bali). Ngaran ilmiah buah ngini ialah Mangifera caesia.

Buah Binjai dipadahakan mahirip lawan buah Kemang, tagal bubuhan pakar manyaranakan supaya kadua buah ngini dipisah. Jadinya buah Kemang baisi ngaran ilmiah saurang yaitu Mangifera kemanga.

Parawakan

Buah Binjai baisi tampilan bulat lonjong, kulitnya baisi dua warna ada nang coklat kakuningan ada nang hijau tagal daging buahnya bawarna putih. ^[1]

Kagunaan

Binjai biasanya dimakan langsung atawa dicampur ka sambal gasan masakan iwak sungai. ^[1] Binjai nang masih anum kada kawa dimakan mantah ulih durinya tajam lawan maulah gatal. Biji binjai biasanya dikaringakan wan diulah jadi lauk.

Kayu Binjai bisa dijadiakan bahan bangunan gasan papan lantai atawa tihang rumah.

Jujuhutan

^ ^a ^b "Buah Binjai Banjiri Pasar Tradisional Barabai, Jadi Bahan Favorit Membuat Sambel ‎". Banjarmasinpost.co.id (dalam bahasa Indonesia). Diakses tanggal 2022-11-20.

[:0-1] "Buah Binjai Banjiri Pasar Tradisional Barabai, Jadi Bahan Favorit Membuat Sambel ‎". Banjarmasinpost.co.id (dalam bahasa Indonesia). Diakses tanggal 2022-11-20.

[1]