Gabin

Parian Gabin matan Amerika (kiwa) wan Inggris (kanan).

Gabin adalah makanan nang ranyah nang diulah matan galapung gandum wan ditambah makanan lain nang dimasak pakai cara dibanam (wadai karing). Gabin baisi istilah nang balainan di babagai wilayah di dunia.

Gabin atawa Biskuit wan 'biscuit" (dalam bahasa Inggris) tiba matan Bahasa Latin, yaitu bis coctus nang artinya "dimasak dua kali".[1] Di Amerika, gabin rancak disambat cookie, nang baarti wadai halus nang dibanam atawa wadai karing.

Sajarah

[babak | babak asal-mulanya]

Pamulaannya, Gabin diulah gasan Anak Buah Kapal nang rancak mabuk di laut. Bubuhan ABK ngini dibarii wadai karing barasa tawar nang kawa mahilangakan rasa handak muak rahatan tulak bakapal. Alasannya, gabin ini nyaman dimamah wan kada babau, jadinya kada manambahi rasa handak muak.[2]

Mulai abad ka-16 sampai abad ka-18, gabin ngini rancak disambat besquite wan biscuit. Bantuk kata nang sama jua diciptakan dalam babarapa bahasa Eropa. Ciciri matan gabin diantaranya, ranyah wan karing, bantuk umumnya halus, tipis, manis, wan rata.

Gabin di babarapa nagara

[babak | babak asal-mulanya]

Di Amerika Serikat, gabin kada karas, tapi kandal wan kaya gulungan halus nang mahirip lawan muffin. Di Inggris, gabin sama haja lawan cookie atawa cracker Amerika.

"Cookie" tiba matan abad ka-18, yaitu matan bahasa Walanda: koekje.

Wadai gabin nang ba-fla di tangah

Wadai gabin

[babak | babak asal-mulanya]

Gabin fla adalah wadai gabin yang ditambahi fla di tangah gabin jadinya sakilas mahirip wadai sandwich. Wadai Gabin fla ngini sudah tarkanal tiba 1990-an nang matan di Samarinda.[3]

Itihi jua

[babak | babak asal-mulanya]

Pranala luar

[babak | babak asal-mulanya]

Jujuhutan

[babak | babak asal-mulanya]
  1. ^ CNN (2022-06-11). "Beda Biskuit dan Cookies". gaya hidup (dalam bahasa Indonesia). Diakses tanggal 2023-12-25. 
  2. ^ sapanomapatu (2022-02-27). "Roti Gabin Lido Samarinda: Konsistensi dan Originalitas Sejak 1969". Nomapatu (dalam bahasa Indonesia). Diarsipkan dari versi asli tanggal 2023-12-25. Diakses tanggal 2023-12-25. 
  3. ^ "Camilan Tradisional Gabin Fla Susu Saat Cuaca Dingin". kilasriau.com (dalam bahasa Indonesia). 2018-01-21. Diakses tanggal 2023-12-25.