Hintalu Paskah
Hintalu Paskah baasal matan taradisi kasuburan kaum Indu-Irupa di mana hintalu adalah simbul musim sami. Wayah masa halam, di Pirsia, urang rancak babagi hadiah hintalu pas wayah parayaan musim sami, nang bagi bubuhannya jua manandaakan dimulainya tahun nang hanyar.[rujukan?]
Wayah abat-abat pamulaan kakristenan, taradisi ngini ngalih dihapus marga hari Paskah dasar kabalujuran gugur pas saban pamulaan musim sami. Parayaan musim sami salalu dirayaakan bahindang mairingi kahimungan maninggalakan musim dingin. Tumbuhan wan kambang bamula tumbuh wan malarakan, wan suasana kacuriaan kaya ngini jadi wayah nang pas gasan babagi hadiah.
Mambagiakan hintalu wayah hari Paskah ahirnya ditarima ulih garija salain gasan marayaakan datangnya musim sami, jua marga hintalu mambariakan gambaran/simbul pacangan adanya kahidupan. Dalam Kristen, hintalu dapat makna riligius, sabagai simbul pakuburan batu di mana Yesus kaluar manyambut hidup hanyar malalui kabangkitan-Nya. Salain ngitu ada alasan nang liwar paraktis maulah hintalu sabagai tanda istimiwa Paskah, marga dahulu hintalu adalah salah sabuting makanan pantang salawas Masa Prapaskah. Umat Kristen mulai pamulaan sudah mawarnai hintalu-hintalu Paskah lawan warna-warna tarang, maminta barakat atasnya, mamakaninya, wan mambariakannya gasan kawal wan sahabat jadi hadiah Paskah.
Taradisi hintalu Paskah bakambang di antara bangsa-bangsa Irupa Utara wan di Asia. Tagal, di Irupa Selatan wan jua di Amirika Salatan, taradisi hintalu Paskah kada suah jadi pupulir.