Kangkung

Kangkung adalah tumbuhan nang tamasuk parian sasayuran wan ditanam sawagai tanaman pangan. Tagal banyak juwa Kangkung tumbuh liar di baruh, sampai-sampai disambat gulma. Kangkung banyak dijual di pakan. Kangkung banyak ditamui di banua Asia. Banua tumatannya kada ditahui lagi balum wan marupakan tumbuhan nang kawa ditamui handak di mana haja tautama di dairah nang babanyu.

Masakan kangkung nang pambanyaknya urang tahu adalah cah kangkung bumbu tauco atawa acan, juwa di wawarungan makan ada haja manu pelecing kangkung balombok.

Garambas

Ada dua parian bantuk kangkung nang dijual di pakan. Panambayan adalah kangkung badaun lincar wan babantuk mata panah (kangkung banyu). Rajin baukuran 10–15 cm. Tumbuhan ngini baisi batang barungga nang malayap lawan daun basulang sali wan batang nang mangajung di pangkal daun. Tumbuhan ngini babalang hijau pucat wan bakambang putih, nang mangaluarakan kantung nang baisi ampat bigi paung.

Parian kadua adalah badaun kipit mamanjang (kangkung tanah atawa kangkung darat). Daunnya rajin basusun manyinding talu babalang hijau mangadap pada kangkung banyu. Balai Penyuluh Pertanian (BPP) Buleleng manulisakan, Kangkung Darat (Ipomoea reptans) babalang hijau tarang lawan hujung daun nang runcing. Balang kambang kangkung darat ngini putih. Dijual lawan cara mangabat akarnya, lamunnya kangkung banyu rajin ditatak haja.^[1]

Kagunaan

Handak samunyaan tanaman nang masih anum kawa dimakan. Marga kangkung katuhaan basarat kasar, taruk nang anum dikatujui urang. Inya kawa dimakan mantah atawa dimasak nangkaya bayam. Kangkung karing kawa jua diulah jadi umpan inguan.

Album

• 
• 
• 
• 
• 
• 

Jujuhutan

1. BPP, Buleleng (2020-10-19). "Tentang Kangkung Darat". Pemerintah Kabupaten Buleleng Dinas Pertanian. Diakses tanggal 2024-05-22. 

Pranala luar

• (Citakan:ISO 639 name ms) http://agrolink.moa.my/doa/bdc/vege/ka_tek_bm.html Archived 2005-03-09 at the Wayback Machine